அகோபிலம் – ஒன்பது நரசிம்மர்கள் – எப்படி செல்வது, விவரங்கள், தரிசனம் – இரண்டாவது மாலோல நரசிம்மர் (9)

ஒன்பது நரசிம்மர்கள்எப்படி செல்வது, விவரங்கள், தரிசனம்இரண்டாவது மாலோல நரசிம்மர் (9)

malola-narasimha-temple-before-1978

மாலோல அல்லது லக்ஷ்மி நரசிம்மர்: மேல் அஹோபிலத்தில், வேதகிரி மலையில், உக்கிர நரசிம்மர் கோவிலிலிருந்து 2 கி.மீ தொலைவில் இக்கோவில் உள்ளது. பிரகலாத பள்ளியிலிருந்து அரை கி.மீ தூரத்தில் உள்ளது. மலைப்பாதையில் இடது பக்கம் இக்கோவில் இருக்கிறது. லக்ஷ்மி க்ஷேத்திரம் என்று இவ்விடம் அழைக்கப்படுகிறது. இடிந்த நிலையில் இக்கோவில் காணப்படுகிறது. “ஶ்ரீ லக்ஷ்மி நரசிம்ம மூர்த்தி” என்று அழைக்கப்படுகின்றார். நரசிம்மரின் கோபம் அடங்கி லக்ஷ்மியுடன் தங்கிய இடம் இது[1]. மா = லக்ஷ்மி, லோல = மிக்க அன்புடன், அதாவது நரசிம்மர், மிக்க மகிழ்சியோடு லக்ஷ்மியை தனது இடத் தொடையின் மீது உட்கார வைத்து வீற்றிருக்கும் கோலம். அஹோபில மடாதிபதிகளான, ஜீயர்கள், ஆன்மீக யாத்திரையாக வெளியே செல்லும் போது, மாலோல நரசிம்மர் விக்கிரகத்தை உற்சவ மூர்த்தியாக எடுத்துச் செல்கிறார்கள். முன்பு கனவில் வந்து, அவ்வாறு ஆணையிட்டதால், இப்பொழுதும், செய்து வருகிறார்கள்.

malola-narasimha-vigragam-before-1978

திருமங்கை ஆழ்வார் பாடியவிதம்: திருமங்கை ஆழ்வார் அஹோபிலம் திருத்தலத்தில் அருள்புரியும் லக்ஷ்மிநரசிம்மனாய் எழுந்தருளி இருக்கும் மாலோல நரசிம்மரை மங்களாசாசனம் செய்யும்போது இப்படி பாடியிருக்கிறார்.

அலைத்தபேழ்வாய் வாளெயிற்றோர்க் கோளரியாய் அவுணன்

கொலைக்கையாளன் நெஞ்சிடந்த கூருகிராளனிடம்

மலைத்தசெல்சாத்தெறிந்தபூசல்வன்துடி வாய் கடுப்ப

சிலைக்கை வேடர்தெழிப்பறாத சிங்கவேள் குன்றமே. 1009. 7.2

malola-narasimha-tirumangai-alwar

பதவுரை[2]

அலைத்த பேழ்வாய் (சீற்றத்தாலே) நாக்கு அலையா நின்றுள்ள பெரிய வாயையும்
வாள் எயிறு ஒளி பொருந்திய பற்களையுமுடையதாய்
ஓர் ஒப்பற்றதாய்
கோள் மிடுக்கையுடையதான
அரி ஆய் நரஸிம்ஹமாய்க்கொண்டு
கொலை கையாளன் அவுணன் நெஞ்சு இடந்த ஜீவ ஹிம்சையில் கைகாரனான இரணியனுடைய மார்வைக் கிழித்தெறிந்த
கூர் உகிராளன் இடம் கூர்மையான நகங்களையுடைய எம்பெருமான்  எழுந்தருளியிருக்கு மிடமாவது:-
மலைத்த (வேடர்களாலே) ஆக்கிரமிக்கப்பட்ட
செல் சாத்து வழிப்போக்கு ஜனங்களின் ஸமூகத்தாலே
எறிந்த (பிரதியாகச்) செய்யப்பட்ட
பூசல் சண்டையிலே
வல் துடி வாய் கடுப்ப கடூரமான தொனியை யுடைத்தான பறையானது கோஷம் செய்ய,
சிலை கை வேடர் வில்லைக் கையிலேயுடைய வேடருடைய
தெழிப்பு ஆரவாரமானது
அறாத எப்போதும் மாறாத
சிங்கவேள்குன்றம்-.

1010    ஏய்ந்தபேழ்வாய் வாளெயிற்றோர்க்கோளரியாய், அவுணன்

வாய்ந்தவாகம்வள்ளுகிரால் வகிர்ந்தவம்மானதனிடம்,

ஓய்ந்தமாவுமுடைந்தகுன்றும் அன்றியும் நின்றழலால்,

தேய்ந்தவேயுமல்லதில்லாச் சிங்கவேள்குன்றமே.   7.3

மாலோல நரசிம்மர் கோவிலுக்கு போகும் வழி.

malola-narasihma-way-leading-to

முன்னால் இருக்கும் மண்டபம் புதிப்பிக்கப்பட்டுள்ளது.

malola-narasihma-way-leading-to-garbagruha

மண்பத்தில் நுழைந்து வலது பக்கத்தில் திரும்பினால், அங்கு மாலோல நரசிம்மர் சந்நிதி உள்ளது.

malola-narasihma-way-leading-to-garbagruha-way-renovated

உள்ளே மாலோல நரசிம்மர்!

malola-narasihma-garbagruha-vigraha

எதிரில் ஒரு மரத்தில், பெண்கள் தங்களுடைய விருப்பங்கள் நிறைவேற, எதையாவது ஒன்றை – மாலை, துணி, வளையல் என்று கட்டிச் செல்கின்றனர். அதனால், தங்களது விருப்பங்கள், வேண்டுதல்கள் நிறைவேறும் என்று நம்புகிறார்கள். அம்மரத்தின் கீழ் ஒரு விஷ்ணு சிற்பம் காணப்படுகிறது.

malola-narasihma-vishnu-sculpture-found-opposite-to-malola-under-tree

இப்பொழுது மாறிவரும் தோற்றம்.

malola-narasimha-temple-distant-view

செல்வத்தை அளிக்கும் ஶ்ரீதேவி: சீதாபதியின் புத்தகத்தில் காணப்படும் புகைப்படம் மற்றும் குறிப்பிலிருந்து, 1978ற்கு முன்பு, இக்கோவில் இடிபாடுகளுடன் இருந்தது தெரிய வருகிறது. முன்னால் சாய்ந்த நிலையில் கொடிக்கம்பம் முதலியன காணப்படுகின்றன. ஜீயரின் பிரியமான விக்கிரகம் என்றெல்லாம் சொல்லப்படும் போது, இக்கோவில் இந்நிலையில் காணப்படுவதிலிருந்து, இதுவும் தாக்குதலுக்கு உட்பட்டிருக்கின்றது என்று தெரிகிறது. பிறகு இவையெல்லாம் சரிசெய்யப்பட்டுள்ளன என்று தெரிக்கின்றது. கோபுரம் கட்டப்பட்டு, படிகள் வைக்கப்பட்டுள்ளன. முன்னர் ஒரு மண்டபத்தையும் கட்டியுள்ளனர்.

malola-narasimha-temple-front-view

மண்டபத்திற்கு இரும்பு சட்டம் போட்டிருக்கிறாற்கள், கடவும் உள்ளது.

விக்கிரகத்தின் அமைப்பு, மகிமை: நான்கு கைகளுடன் இருக்கும் நரசிம்மர் விக்கிரகம், மேலிரண்டு கைகளில் சங்கு மறும் சக்கரம் இருக்கின்றன. கீழ் வலது கரம் அபய அஸ்த நிலையிலும், கீழ் இடது கை, லக்ஷ்மியை தழுவிய வண்ணம் இருக்கின்றன. இத்தேவியை வணங்குபவர்கள், எல்லா சந்தோசங்களையும் பெறுவர் என்று சொல்லப்படுகின்றது. இவ்விடம் “ஶ்ரீதேவி” க்ஷேத்திரம் என்றே அழைக்கப்படுகிறது. அஸ்தாக்ஷரி லக்ஷ்மி நரசிம்ம ஸ்தோத்திரத்தை உச்சரித்து, பாராயணம் செய்பவர்கள் சகல ஐஸ்வரங்களையும், சொர்க்கத்தயும் பெறுவர் என்று சொல்லப்படுகிறது[3].

© வேதபிரகாஷ்

24-02-2017

malola-narasimha-idols

மாலோல நரசிம்ம விக்கிரகம்

[1] நரசிம்மரின் கோபத்தை லக்ஷ்மி தணித்தார் எனும்போது, மனிதர்களின் கோபத்தையும், நீக்குவார் என்று தான் நம்ப வேண்டும்.

[2] http://dravidaveda.org/index.php?option=com_content&view=article&id=1380

[3] Pidatala Sitapati, Sri Ahobila Narasimha Swamy Temple, The Director of Archaeology and Museums, Andhra Pradesh, 1982, p.8.

About vedaprakash

Independent Researcher, Tamil scholar founder-director, Institute for the Study of Western Religions Member of many organizations like IHC, etc.
This entry was posted in அகோபிலம், அழிப்பு, உடைப்பு, கரஞ்ச, குகை, சத்ரவட, சிங்கம், சைதன்யர், ஜீயர், திருமங்கை ஆழ்வார், பார்கவ, பாவன, மாலோல, மாலோல நரசிம்மர், Uncategorized and tagged , , , , , , , , , , , , , , , , . Bookmark the permalink.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s