நவபிருந்தாவனங்களில் ஒன்றான ஶ்ரீ வியாராஜர் பிருந்தாவன் உடைப்பு, பக்தர்களின் உடனடியான புனர்-நிர்மாணம்!

நவபிருந்தாவனங்களில் ஒன்றான ஶ்ரீ வியாராஜர் பிருந்தாவன் உடைப்பு, பக்தர்களின் உடனடியான புனர்-நிர்மாணம்!

vyasarajaracbrindavanin anegundi-1-demolished

vyasarajaracbrindavanin anegundi-2-demolished.jpg

நவபிருந்தாவனங்களும், அவற்றில் ஒன்று சேதப்படுத்தலும்: கர்நாடகா மாநிலம், கோப்பல் மாவட்டம் அனேகண்டியில் [ಆನೆಗೊಂದಿ, ஆனேகூந்தி] உள்ளது, பிரசித்திபெற்ற நவ பிருந்தாவனம். துங்கபத்ரா நதிக்கரையோரம் அமைந்துள்ள இத்தீவு பகுதியில், மத்வ ஆசார்யர்களின் ஒன்பது பேரின் –பிருந்தாவனங்கள் அமைந்துள்ளன.

1.       ஸ்ரீ பத்மநாப தீர்த்தர்,

2.       ஸ்ரீ ஜய தீர்த்தர்,

3.       ஸ்ரீ கவீந்த்ர தீர்த்தர்,

 

4.       ஸ்ரீ வாகீச தீர்த்தர்,

5.       ஸ்ரீ வியாசராஜர்,

6.       ஸ்ரீ ஸ்ரீநிவாச தீர்த்தர்,

 

7.       ஸ்ரீ ராமதீர்த்தர்,

8.      ஸ்ரீ சுதீந்த்ர தீர்த்தர்,

9.       கோவிந்த தீர்த்தர்

ஆகிய  ஒன்பது மடாதிபதிகளின் – மாத்வ குரு பரம்பரையில் அவதரித்த ஒன்பது மாத்வ ஆசார்யர்களின் பிருந்தாவனங்களே, நவ பிருந்தாவனங்கள் என்று அழைக்கப்பட்டு பக்தர்களால் மிகவும் புனிதமானதாகக் கருதப்படுகிறது.  இவற்றில், 17-07-2019 புதன் கிழமை இரவு, ஶ்ரீ வியாசராஜர் என்கின்ற மத்வ மகானின் பிருந்தாவனம்-சமாதி சேதப் படுத்தப் பட்டது.

vyasarajaracbrindavanin anegundi-3-demolished.jpg

vyasarajaracbrindavanin anegundi-4-demolished

ஶ்ரீவியாசராஜரின் பிருந்தாவனம் சேதப் படுத்தப் பட்டது ஏன்?: இதில்தான் கடந்த ஜூலை 17-ம் தேதி நள்ளிரவு வியாசராஜா [1490-1539) CE] என்கிற மகானின் சமாதியைப் பெயர்த்து எடுத்துள்ளனர் மர்ம நபர்கள்[1]. இவர் ஶ்ரீகிருஷ்ண தேவராயரின் ஆன்மீக குரு ஆவர். புரந்தர தாஸர், கனக தாஸர் போன்றோர் இவரது சீடர்கள் ஆவர். அவரின் சமாதிக்கு அருகே மர்ம நபர்கள் பயன்படுத்திய பூஜைப் பொருள்களும் கண்டுபிடிக்கப்பட்டுள்ளன[2]. கொள்ளையடிக்க, பிருந்தாவனத்தை இடித்து சேதப் படுத்த, பூஜை செய்தா செய்வார்கள் என்று தெரியவில்லை. அவர்கள் என்ன தேடினார்கள்? தேடியது கிடைத்ததா? என்பதும் மர்மமாகவே உள்ளது.  இப்படி ஊடகங்கள், யூகத்தின் மீது, கதை அளந்தாலும், துலுக்கர் மற்றும் ஆங்கிலேயர், மொத்தமாக கொள்ளையடித்தப் பிறகு, என்ன மிஞ்சியிருக்கும் என்று தெரியவில்லை.

Nava Brindavan restoring work started by devotees-3

Nava Brindavan restoring work started by devotees-1

புதையல் தேடி சேதப்படுத்தினரா?: இதுகுறித்துப் பேசிய நவ பிருந்தாவனம் பகுதியைச் சேர்ந்தவர்கள், “ராகவேந்திரரின் முற்பிறவியாக அறியப்படுவர் விஜயராஜர். விஜயநகரப் பேரரசு முடிவுறும் தறுவாயில், அதன் தலைநகரமான ஹம்பியிலிருந்து தங்கக் கட்டிகள், வைர வைடூரியங்கள் ஆகியவற்றை மாட்டு வண்டிகளில் பல்வேறு இடங்களுக்குக் கொண்டுசெல்லப்பட்டதாக ஹம்பி பகுதி மக்களால் இன்றும் நம்பப்படுகிறது[3]. இப்புதையல்கள் மகான்களின் பிருந்தாவனங்களில் மறைத்துவைக்கப்பட்டிருக்கலாம் என்று கருதி, அவற்றைக் கொள்ளையடிக்கும் முயற்சி கடந்த 400 ஆண்டுகளாகத் தொடர்கிறது[4].  பிறகு எப்படி, போலீஸார் முதலியோர் கண்டுகொள்ளாமல் இருந்தனர் என்று தெரியவில்லை. அப்படிப் புதையல் தேடி வந்தவர்கள்தான், மகான் வியாசராஜரின் சமாதியை உடைத்துத் தேடியுள்ளனர். அதுவும் குரு பூர்ணிமா அன்று, சமாதிக்கு நள்ளிரவு பூஜைகளைச் செய்துவிட்டு உடைத்துள்ளனர். அவர்கள் என்ன எடுத்தார்கள், எங்கே சென்றார்கள் என்பதெல்லாம் மர்மமாகவே உள்ளது.

Nava Brindavan restoring work started by devotees-2

Nava Brindavan restoring work started by devotees-7-1

பக்தர்கள், மடாதிபதிகள் சோகமடைந்தது, கண்டித்தது: உத்திராதி, ராகவேந்திர மடங்களுக்கு இடையே இந்த நவபிருந்தாவனத்திற்கு உரிமை கோரும் வழக்கு நடைபெற்றுவருகிறது. இதனால், பாதுகாக்க ஆள் இல்லாமல் நவபிருந்தாவனம் அந்தரத்தில் நிற்கிறது” என்றனர். சம்பவம் குறித்து பேசியுள்ள கோப்பல் மாவட்டக் காவல் துறை எஸ்.பி.ரேணுகா சுகுமார், “துறவிகளின் சமாதி அமைந்துள்ள பகுதிக்கு, படகில் மட்டுமே செல்ல முடியும். மாலை 4:30 மணியுடன் படகுப் போக்குவரத்து நிறுத்தப்பட்-ட நிலையில், முன்னதாகவே நவபிருந்தாவனம் சென்றுள்ள மர்ம நபர்கள், அங்கேயே இரவு தங்கியுள்ளனர். நள்ளிரவு தாண்டியவுடன் வியாசராஜாரின் சமாதிக்குப் பூஜைகளைச் செய்து, சமாதியை இரண்டு முதல் மூன்று அடிவரையில் தோண்டியுள்ளனர். இப்பகுதியில் சி.சி.டி.வி. கேமராவோ, பாதுகாவலர்களோ இல்லாததால், அவர்கள் யார்? என்ன பொருளைத் தேடி வந்தார்கள், எதையாவது எடுத்தார்களா போன்ற விவரங்கள் தெரியவில்லை. கங்காவதி காவல் நிலையத்தில் வழக்கு பதிந்து விசாரித்துக் கொண்டிருக்கிறோம்” என்றார். பிருந்தாவன் சிதைக்கப்பட்ட இடத்தைப் பார்வையிட்ட பல்வேறு மடாதிபதிகள், ஆர்வலர்களைக் கொண்டு 15 மணிநேரத்திலேயே அதை மீண்டும் நிர்மாணித்துள்ளனர். ஏற்கெனவே பி.ஜே.பி-யால் கடும் நெருக்கடியைச் சந்தித்து வரும் குமாரசாமி அரசு, இச்சம்பவத்தால் மேலும் நெருக்கடியைச் சந்தித்துள்ளது.

Nava Brindavan restoring work started by devotees-9-1

Nava Brindavan restoring work started by devotees-8

போலீஸாருக்கு தெரிவிக்கப்பட்டது: காவல்துறைக்குத் தகவல் தெரிவித்தனர். தகவல் அறிந்ததும் கங்காவதி காவல்துறையினர் சம்பவ இடத்துக்கு விரைந்து நிலைமையை ஆய்வு செய்துவருகின்றனர். தற்போது அந்தப் பகுதியில் பாதுகாப்பு பலப்படுத்தப்பட்டுள்ளது. இதுகுறித்துக் கருத்து தெரிவித்த உத்தராதி மடத்தைச் சேர்ந்த ஸ்ரீபாத சுவாமிகள், தன் அதிர்ச்சியை வெளிப்படுத்தினார். அவர் மாநில அரசுக்கு விடுத்த கோரிக்கையில் முறையான விசாரணை நடத்தி குற்றவாளிகளைத் தண்டிக்க வேண்டும் என்று கேட்டுக்கொண்டார். இந்த சம்பவத்தால் பக்தர்கள் அதிர்ச்சியடைந்தனர். செய்தி கேள்விப்பட்டவுடன் சுற்றுவட்டாரப் பகுதியில் இருந்து பக்தர்கள் அநேகம் பேர் அங்கு திரண்டு வருவதாகத் தகவல்கள் தெரிவிக்கின்றன. சூட்சும சரீரமாக இருந்து தர்மத்தைக் காத்துநின்ற இந்த மஹானின் சந்நிதி அடியோடு தகர்க்கப்பட்டது குறித்த தங்களின் வருத்தத்தைச் சமூக வலைதளங்களிலும் பகிர்ந்துவருகிறார்கள்.

Nava Brindavan restoring work started by devotees-5

18-07-2019 பணி ஆரம்பித்து 19-07-2019 அன்று பணி முழுமையடைந்தது: பக்தர்களும், மடாதிபதிகளும் தங்களது உணர்ச்சிகளை வெளிப்படுத்தி, கண்டனத்தை தெரிவித்துள்ளனர்[5]. அதுமட்டும்மல்லாது, புனர்நிர்மாணப் பணிகளை பக்தர்களே ஆரம்பித்தார்கள்[6]. வியாழக்கிழமை பணி துவக்கப் பட்டு, வெள்ளிக்கிழமை, முழுமை அடைந்தது[7]. அனைத்து மத்வ மடாதிபதிகளும் வந்து, பூஜைகளை செய்து, பணி முழுமையை ஆசிர்வதித்தனர்[8]. பக்தர்கள் மகிழ்ச்சியில் கோஷைட்டனர். அரசு உதவி  முதலியவை இல்லாமல், உடனே, பக்தர்களே களமிறங்கி, புனர்நிர்மாணம் செய்த பணி அனைவராலும் வெகுவாகப் பாராட்டப் படுகிறது. இதே உணர்வு, எழுச்சி முதலியவை இருந்தால், பழுதடைந்துள்ள எல்லா கோவில்களையும், இவ்வாறே புனர்நிர்மாணம் செய்து விடலாம், என்ற கருத்தும் வலுப்படுகிறது.

Nava Brindavan restoring work started by devotees-11

இந்த இடிப்பு, புனர்நிர்மாணம் முதலியவற்றில் கவனிக்க வேண்டியவை: மேலேயுள்ள விவரங்களிலிருந்து, சில விசயங்களைக் கவனிக்கலாம்:

  1. நவபிருந்தாவனம் என்பது – ஒன்பது துவைத குருமார்களின் சமாதிகள் ஆனெகுன்டி என்ற இடத்தில், துங்கபத்ரா நதிக்கரையில் உள்ளது.
  2. ஶ்ரீ உத்தராதி மற்றும் ஶ்ரீ ராகவேந்திர மடங்கள் இங்கு ஶ்ரீ பத்மநாபர் ஆராதனை நடத்துவதில் சர்ச்சை கொண்டு நீதிமன்றத்திற்குச் சென்றுள்ளன.
  3. ஶ்ரீராகவேந்திரரை நம்பும் மடங்கள் கூட, ஶ்ரீ பத்மநாபர் ஆராதனையில், இவ்வாறு சண்டை போட்டுக் கொள்ளலாம் போலிருக்கிறது!
  4. இந்நிலையில் இப்பிருந்தாவனத்தை யாரோ உடைத்துள்ளனர், தோண்டியதால், தூண்கள் எல்லாம் தாறுமாறாக விழுந்துள்ளன.
  5. சாதுர்மாதம் விரத காலத்தில், ஆஸாட ஏகாதசி-குரு பூணிமாவிற்குப் பிறகு, இத்தகைய சம்பவம் நடந்திருப்பதால், பக்தர்கள் வேதனை அடந்துள்ளனர்.
  6. பிருந்தாவனத்தின் கீழேயெல்லாம் தோண்டி பார்த்திருப்பதால், போலீஸார், புதையல் வேட்டைக்காரர்களின் விசமச்செயலாக இருக்கும் என்கிறார்கள்.
  7. எது எப்படியாகிலும் மடங்கள் இனி ஒற்றுமையாக ஆராதனைகளை செய்தால் நல்லது, ஶ்ரீ பத்மநாபரும் மகிழ்வார், அருள்பாலிப்பார்!
  8. அங்கு சக்தி வாய்ந்த அனுமார் இருந்து கொண்டு எல்லாவற்றையும் பார்த்துக் கொண்டிருக்கிறார் என்பதை ஞாபகத்தில் வைத்துக் கொள்ளவேண்டும்.
  9. சர் தாமஸ் மன்றோவிற்கு [1761-1827], ஶ்ரீ ராகவேந்திரர் காட்சியளித்தார், ஆனால், மற்றவர்களுக்கு இல்லை எனும்போது யோசிக்க வேண்டும்.
  10. ஜூலை 2018ல் மன்றோவின் ஐந்தாவது தலைமுறை, மந்திராலயத்திற்கு வந்து பிரசாதம் பெற்று, தியானித்துச் சென்றுள்ளனர்.

Nava Brindavan restoring work started by devotees-10

பக்தகள் செய்யும் கரசேவை, உழவாரப்பணி மகத்தானது: பக்தர்கள் தாமாகவே இறைசேவை என்ற ரீதியில் முன்வந்து செய்யும் சேவை மகத்தானது. இதனை, பக்தர்கள் புனிதமாகக் கருதுகின்றனர். ராமர் இலங்கைக்கு பாலம் கட்டியபோது, ஒரு சிறிய அணில் செய்த பணியை எடுத்துக் காட்டுவர். அதாவது, இறைப்பணியில் செய்யும் பணியை இறைவன் சமமாகவே ஏற்றுக் கொள்கிறார். சீக்கியர்கள் தங்களது நிலை எப்படியிருப்பினும், குருதுவாரத்தில் அத்தகைய சேவையை செய்வர். தண்டனை என்றாலும், கோவிலில் ஏதாவது ஒரு வேலையை செய்யச் சொல்லி, பிராயசித்தம் பெறச் செய்வர். இதே போன்று, மற்ற இடங்களிலும், பக்தர்கள் தாமாகவே இத்தகைய கரசேவையை, உழவாரப் பணியை நடத்தினால், பல கோவில்களை புதுப்பிக்கலாம். மெதுவாக பக்தர்களின் கவனத்தில், பராமரிப்பில், பாதுகாப்பில் வரும் போது, நடந்து வரும் ஊழல்கள், கொள்ளைகள் முதலியவற்றையும், படிப்படிப்படியாகக் குறைத்து, முழுவதுமாக நீக்கலாம்.

© வேதபிரகாஷ்

21-07-2019

Nava Brindavan restoring work started by devotees-9-2

[1] விகடன், கர்நாடகாவில் மஹான் ஸ்ரீ வியாசராஜரின் பிருந்தாவனம் மர்ம நபர்களால் இடிப்பு! – பக்தர்கள் அதிர்ச்சி, சைலபதி, Published:Yesterday at 10 AMUpdated:Yesterday at 10 AM

[2] https://www.vikatan.com/spiritual/temples/holy-worship-place-vandalized

[3] விகடன், மிரட்டும் புதையல் வேட்டைநள்ளிரவில் புகுந்த கொள்ளையர்கள்..!- கர்நாடகாவில் அதிர்ச்சி, ந.பொன்குமரகுருபரன், Published:Yesterday at 9 PM. Updated:Yesterday at 9 PM,

[4] https://www.vikatan.com/news/crime/16th-century-brindavana-of-sri-vyasaraja-near-hampi-vandalised-by-unidentified-miscreants

[5] The Hindu, Reconstruction of demolished Brindavana of Vyasaraja Tirtha begins, STAFF REPORTER, KOPPAL, JULY 19, 2019 00:51 IST; UPDATED: JULY 19, 2019 00:51 IST

[6] https://www.thehindu.com/news/national/karnataka/reconstruction-of-demolished-brindavana-of-vyasaraja-tirtha-begins/article28566248.ece

[7] Deccan Herald, Devotees rebuild Vyasaraja Brindavana, DH News Service, Koppal , JUL 19 2019, 23:21PM IST UPDATED: JUL 19 2019, 23:47PM IST

[8] https://www.deccanherald.com/state/devotees-rebuild-vyasaraja-brindavana-748266.html

Posted in அனேகண்டி, ஆனேகூந்தி, கோவிந்த தீர்த்தர், ஜீவசமாதி, துவைதம், நவ பிருந்தாவனம், நவபிருந்தாவனம், மத்வ சம்பிரதாயம், ஸ்ரீ கவீந்த்ர தீர்த்தர், ஸ்ரீ சுதீந்த்ர தீர்த்தர், ஸ்ரீ ஜய தீர்த்தர், ஸ்ரீ பத்மநாப தீர்த்தர், ஸ்ரீ ராமதீர்த்தர், ஸ்ரீ வாகீச தீர்த்தர், ஸ்ரீ வியாசராஜர், ஸ்ரீ ஸ்ரீநிவாச தீர்த்தர் | Tagged , , , , , , , , , , , , , , , , , , | பின்னூட்டமொன்றை இடுக

ருத்ராக்ஷபுரீஸ்வரர் மற்றும் பெருமாள் கோவில்: சிதிலமடைந்து, பாழடைந்து, பாகங்கள் கீழே கிடக்கும் நிலையில் கோவில்கள்!

ருத்ராக்ஷபுரீஸ்வரர் மற்றும் பெருமாள் கோவில்: சிதிலமடைந்து, பாழடைந்து, பாகங்கள் கீழே கிடக்கும் நிலையில் கோவில்கள்!

Perumal and Rudakshapureswarar temples, Mayanur

ருத்ராக்ஷபுரீஸ்வரர் கோவிலைத் தேடிச் சென்றது: கூகுள் மேப்பில் தேடிப் பார்த்த போது, மரங்களால் மூடிய நிலையில் இக்கோவில் காணப்பட்டது. அதனால், இதனை பார்த்தே விட வேண்டும் என்ற ஆவல் ஏற்பட்டது. அதனால், நாங்கள் மறுபடியும் வந்த வழியே திரும்பி வந்தோம். முதலில், அந்த உடைந்த “வேணுகோபாலன்” சிலை இருந்த கோவிலுக்குச் சென்றோம். இரு கோவில்களுக்கு இடையே உள்ள தூரம் – 714 அடிகள் [210.05 m (689.16 ft)].  சாலை போட்ட போது, விரிவு படுத்திய போது, இக்கோவிலின் மதிற்சுவர்கள் உடைக்க்கப் பட்டிருக்கலாம். இல்லை, பெரிய அளவில், சிவன் கோவிலையும் அடக்கி, ஒரு வளாகம் இருந்ததா என்று தெரியவில்லை.

PERUMAL temple, front view GOOGLE

PERUMAL temple, front view GOOGLE

சில மாதங்களுக்கு முன்னர், இக்கோவில் இருந்த நிலை…..செடி-கொடிகள் கோவிலை ஆக்கிரமித்திருந்தன….

Perumal temple, covered with trees- GOOGLE

13-05-2019 அன்று நாங்கள் சென்றிருந்த போதைய நிலை…..

Permal temple- front view

மண்டபத்தின் உட்புறத் தோற்றம்…………………………..

Perumal temple, mantap with pillars

மண்டபத்தில், சந்நிதி மேற்புறம்போன்ற பகுதி கிடந்திருப்பது……………………

Perumal temple, top of sannidhi

மண்டபத்தில், சந்நிதி மேற்புறம்போன்ற பகுதி கிடந்திருப்பது……………………

Perumal temple, top of sannidhi with other parts

மண்டபத்தைத் தாண்டி,  முதல் அறை………….கதவுகளை காணோம்….

Permal temple- front view.door

உள்ளே சென்றால், இருட்டாக இருக்கிறது…….

Permal temple- inside darkness

கர்ப்பகிரகமும் இருட்டாக இருக்கிறது………………………..ஓட்டைகளில் கொஞ்சம் வெளிச்சம் வருகிறது…………..

Permal temple- inside towards garba gruha, darkness.

கோவிலின் வலது பக்க தோற்றம்……………

Perumal temple, RHS

கோவிலின் வலது பக்க தோற்றம்……………பின்பக்கத்திலிருந்து…

Perumal temple, RHS view - from backside

Perumal temple, RHS view – from backside

Perumal temple, garba gruha backside, patched up temporarily

Perumal temple, garba gruha backside, patched up temporarily

கர்ப்பகிருகத்தின் மேற்பகுதியைக் கவனித்தால், ஏதோ அவசர-அவசாமாக அல்லது தற்போதைக்கு நிற்கின்ற நிலையிலடுக்கி வைத்தது போல, கருங்கற்களை காணலாம்.

Perumal temple, garba gruha backside, patched up temporarily.2

Perumal temple, garba gruha backside, patched up temporarily.2

Perumal temple, garba gruha backside, patched up temporarily.top

Perumal temple, garba gruha backside, patched up temporarily.top

Perumal temple, garba gruha backside, patched up temporarily.bottom

Perumal temple, garba gruha backside, patched up temporarily.bottom

இடிந்த நிலையில் உள்ள பெருமாள் கோவில்: இக்கோவில் அமைப்பை கவனிக்கும் போது, முன்பக்கத்தில் கொடி கம்பம், சிறிய சந்நிதி முதலியவை இருந்திருக்கக் கூடும் என்று தெரிகிறது. பாழடைந்த நிலையில் இருந்த, அந்த கோவிலின் முன்பு ஒரு மண்டபம் இருக்கிறது. அதற்கு முன்பாக, சிறிய கோபுரத்துடன் ஒரு சன்னதி எழுந்திருக்க வேண்டும் என அம்மண்டபத்தில், சன்னதி கோபுரத்தின் மேற்பகுதி கிடப்பது எடுத்துக் காட்டுகிறது. அறைகளுடன் கூடிய கோவிலின் உட்புறம் இருட்டாக காணப்படுகிறது. எந்த தூண்களும், சிலைகளும், விக்கிரங்களும் ………….காணப்படவில்லை. இங்கே இருந்த எல்லா விக்கிரங்கள் சிலைகள் சிற்பங்கள் முதலியவை அகற்றப்பட்டது அல்லது எடுத்துச் செல்லப்பட்டது தெரிகிறது. வலது பக்கத்தில், மிக்க கலைநயத்துடன் கூடிய ஒரு வேணுகோபாலன் கற்சிலை உடைந்த நிலையில் வைக்கப்பட்டுள்ளது. உடைந்த நிலையில் மார்பு அளவில் இருக்கும் அந்த சிலை, முழுமையாக இருந்திருப்பதை எடுத்துக் காட்டுகிறது.

அபிஷேக நீர் வெளியேறும் குழாய் / கோமுகத்தின் மீது, வேணுகோபாலன் கற்சிலை வைக்கப்பட்டுள்ளது!

Permal temple- Venugopalan statue broken condition

சுற்றிலும் மதிற்சுவர் இருந்ததற்கான அடையாளம்……………………………..

Perumal temple, broken down compound wall visible

Perumal temple, broken down compound wall visible

மதிற்சுவரும், உடைந்த சிற்பங்கள், தூண்களின் பாகங்கள், பகுதிகள்……

Perumal temple, parts broken down, strewn. compound wall

Perumal temple, parts broken down, strewn. compound wall

மேலும் உடைந்த சிற்பங்கள், தூண்களின் பாகங்கள், பகுதிகள்……

Perumal temple, parts broken down, strewn

மதிற்சுவர் ஓரமாக, உடைந்த ஒற்றைக்கால் சிற்பத்தின் பகுதி காணப்படுகிறது……………………………….ஒரு வேளை அந்த வேணுகோபாலனின் கற்சிலை பாகமாக இருக்கலாமோ?

Perumal temple, could be Venugopalan leg

கர்ப்பகிருகம் உடைந்து, அவசரமாக கட்டப் பட்டதா?: கர்ப்பகிருகத்தின் பின்பக்கமும் இடிந்த நிலையில் காணப்படுகிறது மற்றும் ஏதோ கற்களை வைத்து கோபுரம் விழுந்து விடாமல் வேலை செய்து இருப்பதை கவனிக்க முடிகிறது. உடைந்த மதிற்சுவர் பாகங்கள், சுற்றிலும் மதிற்சுவர் இருந்ததைல் காட்டுகிறது. மதில் சுவர் பக்கங்களிலும் உடைந்த சிற்பங்களும் கிடைக்கின்றன. அதில் ஒரு கால் பாதம் உள்ளது போன்ற உடைந்ட பகுதியுமுள்ளது. ஒருவேளை அது, வேணுகோபாலனின் பாதமாக இருக்கலாம். உள்ள கோவிலின் சுவர்களில் கருங்கற்கள் பலவித அளவுகள், அமைப்புகளில் காணப்படுவதால், அவசர-அவசரமாக மராமத்து செய்துள்ளதும் புலப்படுகிறது. இக்கோவிலைத் தான், அங்குள்ளோர் “பெருமாள் கோவில்” என்கின்றனர். அங்கிருப்பவர்கள், விவரங்கள் கேட்டாலும், “தெரியாது” என்று தான் சொல்கின்றனர்.

ருத்ராக்ஷபுரீஸ்வரர் கோவில் மற்றும் குளம், கூகுள் வானியல் தோற்றம்….

Rudakshapureswarar temples, Mayanur

சில மாதங்களுக்கு, முந்தைய தோற்றம்………………………………..

Rudrakshapureswarar, Mayanur

கர்ப்பகிருகத்தின் 13-05-2019 அன்றைய தோற்றம்…………………………………….

Rudrakshapureswarar, Garbagruha

கர்ப்பகிருகத்தின் 13-05-2019 அன்றைய தோற்றம்…………………………………….இன்னொரு பக்கம்…

Rudrakshapureswarar, Garbagruha.other side

Rudrakshapureswarar, Garbagruha.other side

தொலைவிலிருந்து காணப்படும் தோற்றம்…இடது பக்கம் – கர்ப்பகிருகம், வலது பக்கம்- முதல் மண்டபம்………………….

Rudrakshapureswarar, Mayanur.distance..mantap

Rudrakshapureswarar, Mayanur.distance..mantap

கர்ப்பகிரகம், தூண்கள் கொண்ட மண்டபம், சிறிய மண்டபம் மற்றும் தூகள் கொண்ட மண்டபம், ……இவை எல்லாமே ஒரே கோட்டில் அமைந்துள்ளன.

Rudrakshapureswarar, Mayanur.cleaned

Rudrakshapureswarar, Mayanur.cleaned

Rudrakshapureswarar, two Mantaps.women working

Rudrakshapureswarar, two Mantaps.women working

Rudrakshapureswarar, view from mantap

இடிந்த நிலையில் உள்ள சிவன்  கோவில்: காவிரிக் கரையில், மாயனூரில் [கரூர் மாவட்டம்] இருக்கும் இந்த ருத்ராக்ஷபுரீஸ்வர கோவில், செடி-கொடிகள் சூழ்ந்து செல்ல முடியாமல் இருக்கும் நிலையில் மறைந்திருந்தது. இது பெருமாள் கோவிலை விட பரந்த இடத்தில் அமைக்கப் பட்டுள்ளது. இப்பொழுது 100-நாட்கள் வேலை திட்டத்தில் சுத்தப் படுத்தப் படுகிறது. கோவிலுக்குள் இருக்கும் லிங்கத்தைக் காணோம். ஆவுடையார் சிறிது தூரத்தில் கிடக்கிறது. மற்ற விக்கிரங்களைக் காணோம். மாலிக்காபூர் அல்லது ஔரங்கசீப் வந்து இடித்து விட்டு சென்ற நிலையில் அலங்கோலமாகக் காட்சியளிக்கிறது. பக்கத்தில் பெரிய குளம் காணப்படுகிறது. அதை வைத்து கணக்கிட்டால், மிகப் பெரிய கோவில் வளாகம் இருந்திருக்க வேண்டும் என்று தெரிகிறது. சுற்றுச்சுவர் இருந்திருப்பதற்கு அடையாளம் காளப்படுகிறது, ஆனால், சுவரைக் காணோம். மூலவர்-கர்ப்பகிருகத்திற்கும், மண்டபத்திற்கும் அளவுக்கு அதிகமாகவே இடைவெளி காணப் படுகிறது!

Rudrakshapureswarar, mantap.make shift condition

Rudrakshapureswarar, mantap.make shift condition

Rudrakshapureswarar, mantap.alignment

Rudrakshapureswarar, mantap.alignment

Rudrakshapureswarar, Mantap.in dilapidated condition

Rudrakshapureswarar, Mantap. in dilapidated condition

Rudrakshapureswarar, Mantap in dilapidated -parts underneath

Rudrakshapureswarar, Mantap in dilapidated -parts underneath

Rudrakshapureswarar,more parts on the ground

Rudrakshapureswarar,more parts on the ground

கோவில் ஏன் இடிந்த நிலையில் இருக்க வேண்டும்?: கர்ப்பகிரகம், தூண்கள் கொண்ட மண்டபம், சிறிய மண்டபம் மற்றும் தூண்கள் கொண்ட மண்டபம், சுற்றிலும் கிடக்கின்ற பகுதிகள், பாகங்களும் இறைந்து கிடக்கின்றன. இவை எல்லாமே ஒரே கோட்டில் அமைந்துள்ளன. எதிரில் ஒரு பெரிய குளம் இருக்கிறது என்பதும் முன்னமே சுட்டிக்காட்டப்பட்டது. இதைச் சுற்றி நிலம் அதிகமாக இருப்பது, இக்கோவில் மிகப் பெரியதாக இருக்க வேண்டும் அல்லது கோவில் வளாகம் பெரிதாக இருக்க வேண்டும் எனத் தோன்றுகிறது. ஒருவேளை பக்கத்தில் இருந்த மற்ற சன்னதிகள் இடிக்கபட்டிருக்கலாம், அல்லது அத்தகைய நிலையில் இருந்த பாகங்கள் அப்புறப்படுத்தப் பட்டிருக்கலாம். மிக முக்கியமாக கவனிக்க வேண்டிய விஷயம் என்னவென்றால், விலையுயர்ந்த அல்லது மற்ற முக்கியமான பொருட்கள் எதுவுமே காணப்படாமல் இருக்கின்றன. கோபுரத்தி மீது கலசம் காணப்படவில்லை. இதனால் நிச்சயமாக விலையுயர்ந்த பொருட்கள் எல்லாம் ஒரு குறிப்பிட்ட காலத்தில் எடுத்துச்செல்லப்பட்டன என்று யூகிக்கப்படுகிறது. ஹைஹர் அலி-திப்பு சுல்தான் படையெடுத்து வந்தபோது, இக்கோவில்கள் இடிக்கப்பட்டு இருக்கலாம். அருகில் ஶ்ரீசதாசிவ பிரம்மேந்திரர் ஜீவசமாதரீருப்பதால், ஒருவேளை துருக்கர் படைகள் இக்கோவில்களை தாக்கி அழித்த்திருக்கலாம். இருப்பினும், கோவில்கள் தொடர்ந்து, புதுப்பிக்கப்பட்டு வந்திருப்பதனால், மறுபடியும் அவை, தாக்கப்பட்டுள்ள நிலையில் இருப்பதனால் அத்தகைய அழிவை யார் ஏற்படுத்தினர் என்ற கேள்வியும் எழுகிறது.

© வேதபிரகாஷ்

20-05-2019

Rudrakshapureswarar, Mayanur. in dilapidated condition

Rudrakshapureswarar, Mayanur. in dilapidated condition

Posted in இடிப்புல் உடைப்பு, இடைக்காலம், உடைந்த நிலையில் கோவில், காவிரிக்கரை, கும்பாபிசேகம், கோவில், சிதிலமடைந்த கோவில், சுவர், தாக்குதல், திருக்குளம், திருக்கோவில், தீர்த்தம், தொன்மை, நவநீத கிருஷ்ணன், நெரூர், படிக்கட்டு, பலிபீடம், பெருமாள் கோவில், மண்டியிருக்கும், மாயனூர், ருத்ராக்ஷம், வடிவமைப்பு, வேணுகோபாலன் | Tagged , , , , , , , , , , , , | பின்னூட்டமொன்றை இடுக

ஸ்ரீ கைலாசநாத ஸ்வாமி கோவில், கட்டளை, ரங்கநாதபுரம், மேல் மாயனூர் கரூர் மாவட்டம்.  

.

Kailasanathar temple, Location GOOGLE

Kailasanathar temple, Location GOOGLE

Kailasanathar temple, entrance

Kailasanathar temple, entrance

13-05-2019 அன்று கோவில் தரிசனத்திற்கு புறப்பட்டது: 12-05-2019 அன்று சிந்தலவாடியில் தங்கி, அடுத்த நாள் 13-05-2019 காலை, ருத்ராக்ஷபுரீஸ்வரர் கோவிலைத் தேடி புறப்பட்டோம். மேல்-மாயனூருக்கு செல்லவேண்டும் என்றார்கள். ரெயில்வே தண்டவாளத்தைத் தாண்டி, மேல்-மாயனூருக்குச் சென்றோம். போகின்ற வழியிலேயே வலது பக்கம் மற்றும் சிறிது தூரம் சென்றதும் இடது பக்கங்களில் இடிந்த நிலையில் இரண்டு கோவில்களைக் கண்டோம். முதலில் வலது பக்கக் கோவிலில் ஆட்கள் சத்தம் செய்து கொண்டிருந்தார்கள். நண்பர் “உழவாரப் பணி செய்கிறார்கள்,” என்று கமென்ட் அடித்தார். தாண்டி செல்லும் போது, இடது பக்கத்தில், இன்னொரு பாழடைந்த கோவில் காணப்பட்டது. அதில் உடைந்த நிலையில் “வேணுகோபாலன்” சிலை காணப்பட்டது. ஆனால், சிவன் கோவில் என்றதும், வேறு வழியில் இருக்கும் கோவிலைக் காட்டிவிட்டார்கள். அதனால், கரூர் மாவட்டம் ரெங்கநாதபுரம் ஊராட்சி கட்டளையில் சுமார் 150 ஆண்டுகளுக்கு முன்பு கட்டப்பட்ட பழமையான சிவன் கோவில் என்று “கைலாசநாதர் கோவிலுக்கு” வந்து சேர்ந்தோம்.

Kailasanathar temple, entrance.another view

Kailasanathar temple, entrance.another view

Kailasanathar temple, inside-RHS

Kailasanathar temple, inside-RHS

Kailasanathar temple, inside-Kartikeyan

Kailasanathar temple, inside-Kartikeyan

Kailasanathar temple, 1973 Kumbabiseka

Kailasanathar temple, 1973 Kumbabiseka

21-11-1973 அன்று கும்பாபிசேகம் நடந்தது: அங்கிருக்கும் கல்வெட்டின் படி, “ஸ்ரீ கைலாசநாத ஸ்வாமி தேவஸ்தானம் கட்டளை, ரங்கநாதபுரம், கட்டளை; பிரமாதீஸ வருஷம் கார்த்திகை மாதம் ஆறாம் தேதி புதன்கிழமை 21-11-1973 லோககுரு காஞ்சி காமகோடி பீடம் சங்கராச்சாரிய சுவாமிகள் அருள் ஆசியுடன், சமயபுரம் உஜ்ஜயினி ஓம்காளியம்மன் ஸ்ரீ இராமநாத சுவாமிகள் முன்னிலையில், நூதன நவகிரக மகாகும்பாபிஷேகம் நடைபெற்றது. கட்டிட உதயம் கே. எஸ். வெங்கட்ரங்க .ஐயர், மிறாஸ்தார், கட்டளை, நவகிரக விக்கிரங்கள் உபயம் சே. குப்பண்ண கௌண்டர் கும்பாபிஷேகம் கமிட்டி மற்றும் கிராமத்தினர்”, என்று தெரிந்து கொள்கிறோம். ஆக கோவில் கட்டுவதில் எந்த வேறுபாடும் இல்லை. ஆனால், பூஜை எனும்போது, நவீன காலத்தில், வேறுபாடுகளை ஏற்படுத்துகின்றனர் என்று தெரிகிறது. இதற்காக, இனி புதிய ஆகம சாத்திரங்களை உண்டாக்க வேண்டும் போலிருக்கிறது[1].

Kailasanathar temple, side view.Chandikeswarar

Kailasanathar temple, side view.Chandikeswarar

Kailasanathar temple, backside

Kailasanathar temple, backside

2013ல் குருக்கள் இறந்ததால், பூஜைகள் நிறுத்தப் பட்டன: இக்கோவில் பூட்டிக் கிடந்தது பற்றி, 2013ல் ஒருவர் வீடியோ வெளியிட்டிருந்தார்[2]. ஆனால் யாரும் கண்டுகொள்ளவில்லை என்றே தெரிகிறது. ஏனெனில், அதற்குப் பிறகு, அதாவது, சுமார் ஐந்தாண்டுகளுக்குப் பிறகு, 2018ல் தினத்தந்தியில் செய்தி வருகிறது. இந்த கோவிலின் மூலவராக கைலாசநாதரும், தனி சன்னதியில் காமாட்சி அம்மனும் உள்ளனர். மேலும் வள்ளி, தெய்வானை, வேல், மயில் ஆகியவற்றுடன் ஆறு முகங்களை கொண்ட முருகன் என ஒரே கல்லில் செதுக்கப்பட்ட சிலையும், விநாயகர், பைரவர், தட்சிணாமூர்த்தி, நந்தி, நவக்கிரகங்கள் என தனி தனி தெய்வங்களும் உள்ளது. தினந்தோறும் ஒரு கால பூஜையும், பிரதோஷ நாட்களில் நந்திக்கு சிறப்பு அபிஷேகமும், சிவராத்திரி நாட்களில் சிறப்பு வழிபாடும் நடைபெற்ற இக்கோவிலுக்கு கிராம மக்கள் மட்டுமின்றி மாவட்டத்தின் பல பகுதியிலிருந்தும் பக்தர்கள் வந்து சிவனை வழிபட்டு சென்றனர். கோவிலின் பரம்பரை அறங்காவலராக ஆதி மூர்த்தி குருக்கள் என்பவர் இருந்து பூஜைகளை நடத்தி வந்த நிலையில், அவர் கடந்த ஆறு ஆண்டுகளுக்கு முன்பு [2012ல்] இறந்து விட்டார். அதன்பின் அவரின் வாரிசுகள் யாரும் பூஜைகள் செய்ய வராமையால் கோவில் பூட்டியே கிடந்தது[3].

Kailasanathar temple, Navagruha

Kailasanathar temple, Navagruha

Kailasanathar temple, side view.distance

Kailasanathar temple, side view.distance

கோவில் பூஜாரி இல்லை என்றதால் மூடப்பட்டது!: ஆதி மூர்த்தி குருக்கள் காலமானதால் பூஜைகள் நடத்தப்பட்டன, கோவில் மூடப்பட்டது, என்பதிலிருந்து பரம்பரை அறங்காவலர் முறை இக்கோவிலில் செயல்பட்டு வந்தது தெரிகிறது. ஒருவேளை மற்ற ஜாதியினர் இக்கோலின் மீது உரிமை கொண்டாட/கொள்ளக்கூடாது என்ற காரணத்திற்காகவும் வேண்டுமென்றே கோவிலை மூடி வைத்திருக்கிறார்கள் என்றும் தெரிய வருகிறது. பிராமணர்கள் பரம்பரை முறையில் பூஜாரிகளாக இருப்பது எதிர்க்கப்படுகிறது, நீதிமன்றங்களில் வழக்குகளும் தொடரப்படுகின்றன. ஆனால் பிராமணர் அல்லாத மற்ற பிரிவுகளிலும் இத்தகைய முறை இருப்பதை இங்கே கவனிக்கவேண்டும். இப்போது இருக்கின்ற குருக்களுக்கு விஷயங்கள் தெரியாமல் இருக்கிறார். கோவில் 150 வருடம் இருக்கிறது என்றிருக்கும் பொழுது, இரண்டாயிரம் வருடங்களாக கோவில் இருக்கிறது என்கிறார். மேலும் பூணூல் போட்டு இருக்கிறார். ஆனால் அவர் சுலோகம் சொல்லி அர்ச்சனை செய்ய தெரியவில்லை. சூடம் ஏற்றி, தூபம் காட்டி, விபூதி-குங்குமம் கொடுக்கிறார்[4]. கோவில்களில் நம்பிக்கை மீதான நடந்து வரும் இத்தகைய வழிமுறைகள் நெறிமுறைகள், சட்டதிட்டங்கள் முதலியன முறைப்படுத்த வேண்டிய அவசியம் இருக்கிறது. தனிமனித விருப்பு-வெறுப்புகளுக்கு, காரணங்களுக்காக கோவிலை மூட வேண்டிய அவசியம் இல்லை.

Kailasanathar temple, inside-LHS

Kailasanathar temple, inside-LHS

Kailasanathar temple, entrance.Linga

Kailasanathar temple, entrance.Linga

அவினாசி அப்பா ஆன்மிக அறக்கட்டளை உறுப்பினர்கள் இக்கோவிலை திறந்தது: இதனால் சிவ பக்தர்களும், கிராம மக்களும் வேதனையில் இருந்தனர். இது குறித்து “தினத்தந்தி” நாளிதழில் ஜூலை 2018ல் செய்தி வெளியிடப்பட்டிருந்தது[5]. இந்த செய்தியின் மூலம் கோவிலின் பழமையையும், அதன் தற்போதைய நிலையையும் அறிந்த கோவை மாவட்டத்தை சேர்ந்த அவினாசி அப்பா ஆன்மிக அறக்கட்டளை உறுப்பினர்கள் இக்கோவிலை திறந்து பூஜைகள் நடைபெற நடவடிக்கை மேற்கொண்டனர்[6]. அதன்படி அவர்கள் கட்டளைக்கு வந்து கிராம மக்களின் உதவியுடன் கோவிலை திறந்து தூய்மை பணியினை மேற்கொண்டனர். பின்னர் புதிய குருக்களை நியமித்து கடந்த வளர்பிறை சனி பிரதோஷ நாளில் கைலாச நாதர், காமாட்சி அம்மன், நந்தி உள்பட கோவிலில் உள்ள அனைத்து தெய்வங்களுக்கும் அபிஷேகமும், சிறப்பு அலங்காரமும் செய்து வழிபாட்டை தொடங்கினர்[7]. இதனை தொடர்ந்து தற்போது பக்தர்களின் வழிபாட்டுக்காக கோவில் காலை, மாலை என இரண்டு நேரமும் திறக்கப்பட்டு அபிஷேகமும், பூஜைகளும் நடைபெற்று வருகின்றன.

Kailasanathar temple, side view.Nandi

Kailasanathar temple, side view.Nandi

Kailasanathar temple, side view

Kailasanathar temple, side view

தினத்தந்திக்கு நன்றி- கோவிலுக்கு வரவு: பிரதோஷ நாட்களில் நந்திக்கும், வியாழக்கிழமைகளில் தட்சிணாமூர்த்திக்கும் சிறப்பு அபிஷேகமும் நடைபெறுகிறது. இதனால் சிவபக்தர்களும், கிராம மக்களும் கோவிலுக்கு அதிக அளவில் வந்து வழிபட்டு செல்வதுடன் பூட்டி கிடந்த கோவில் குறித்து செய்தி வெளியிட்டு பூஜைகள் நடக்க உதவிய “தினத்தந்தி” நாளிதழுக்கு நன்றி தெரிவித்துள்ளனர். பொதுவாக காரில் கோவில்களுக்கு செல்லவேண்டும் என்று பயணிப்பவர்கள், வழியில் உள்ள கோவில்களுக்கு எல்லாம் செல்லும் வழக்கம் இருக்கிறது. சிலர், தேடி கோவில்களுக்குச் செல்கின்றனர். தொடர்ந்து சென்று வந்தால், ஒவ்வொரு கோவிலில் ஏற்படும் மாறுதல்களையும் கவனிக்கலாம்.

 

© வேதபிரகாஷ்

20-05-2019

Kailasanathar temple, Garbagruha backside

Kailasanathar temple, Garbagruha backside

[1]  நவீனகாலம் என்றது – திராவிட இயக்கம் வந்த பிறகு, ஆட்சியாளர்களினாலும், இந்து அறநிலையத் துறையாலும், பாரம்பரியம் பாதிக்கப் படுகிறது. ஆயிரக்கணக்கான கோவில்களும் பாதிக்கப் படுகின்றன, சிதிலமடைகின்றன, காணாமல் கூட போய்விடுகின்றன.

[2] MYSTERIOUS SHIVA TEMPLE | kasi viswanaathar temple at kattalai in karur | GOBINATH SPEECH, Namma Bhoomi Namma Samy, Published on Sep 2, 2013.

https://www.youtube.com/watch?v=QhnWQwrtacw

[3] தினத்தந்தி, 6 ஆண்டுகளாக பூட்டி கிடந்த கட்டளை சிவன் கோவில் திறப்பு, ஜூலை 13, 2018, 04:00 AM

தினத்தந்தி, 6 ஆண்டுகளாக பூட்டி கிடந்த கட்டளை சிவன் கோவில் திறப்பு, செப்டம்பர் 26, 04:15 AM

[4]  இதுபோல, பல கோவில்களில், இப்பொழுது பூணூல் போட்டுக் கொண்டு, பூஜாரிகளாக இயங்கி வருகின்றனர் என்று தெரிகிறது. பூஜை நடக்காமல் இருக்கும் பட்சத்தில், இவ்வாறு கோவில்களில், பணி செய்வது நல்ல காரியம் தான். இதே போன்ற உணர்வு, மற்ற காரியங்களிலும் இருக்க வேண்டும். இடைக்கால, புராதன கோவில்களில் கொள்ளையடிப்பதில், எல்லோரும் ஒன்று பட்டு செயல்படுவது, சமீபத்தில் வெளிப்பட்டுள்ளது.

[5] https://www.dailythanthi.com/amp/News/Districts/2018/07/13014202/Six-devotees-of-Lord-Shiva-temple-are-locked-up-for.vpf

[6] தினத்தந்தி, 6 ஆண்டுகளாக பூட்டி கிடந்த கட்டளை சிவன் கோவில் திறப்பு, செப்டம்பர் 26, 04:15 AM

[7] https://www.dailythanthi.com/amp/News/Districts/2018/09/26014632/Lord-Shivas-temple-was-locked-up-for-6-years.vpf

Posted in கட்டளை, கரூர் மாவட்டம், கைலாசநாத ஸ்வாமி கோவில், பாழடைந்த கோவில், மேல் மாயனூர், ரங்கநாதபுரம், ஸ்ரீ கைலாசநாத ஸ்வாமி கோவில் | Tagged , , , , , , , , , , | பின்னூட்டமொன்றை இடுக

ஶ்ரீராமகிருஷ்ண தபோவன வளாகம், ஶ்ரீசித்பவானந்தர் [1898-1985]: கல்வி, ஆன்மீகம், ஒழுக்கம் போற்றியது!

ஶ்ரீராமகிருஷ்ண தபோவன வளாகம், ஶ்ரீசித்பவானந்தர் [1898-1985]: கல்வி, ஆன்மீகம், ஒழுக்கம் போற்றியது!

Ramakrishna Tapovan - Aerial view

Ramakrishna Tapovan – Aerial view

ஶ்ரீராமகிருஷ்ண தபோவன வளாகம்: கோவில்கள் என்றால், பள்ளிகளும் அவற்றில் அடங்கும். இடைக்காலம் வரை, கோவில்களில் பள்ளிகள் இருந்தன. இங்கு, ஶ்ரீசித்பவானந்தர், முதலில், திருப்பாராய்த்துறை கோவிலுக்கு முன்னால் உள்ள, 100-கால் மண்டபத்தில் தான். மாணவர்களுக்கு படிப்பு சொல்லிக் கொடுத்தார், அதாவது, அம்மண்டபம் பள்ளிக் கூடமாக இருந்தது. பல வருடங்களுக்குப் பிறகு, ஶ்ரீராமகிருஷ்ண தபோவன வளாகத்திற்குச் செல்கிறோம். ஒவ்வொருவரின் நினைவுகள், ஒவ்வொரு மாதிரி. பேட் கிரிபித்தை சந்திக்க வந்தபோது, இவரை பார்த்த அனுபவத்தை ஒருவர் பகிர்ந்து கொண்டார். 1979 மற்றும்  V S நரசிம்மன்[1] திருவேடகம் விவேகானந்தர் கல்லூரி, துணை முதல்வராக இருந்தபோது வந்த, விவரங்களைப் பகிர்ந்து கொண்டார். ஶ்ரீசித்பவானந்தருக்கு வயது 80ற்கு மேல் ஆகிவிட்டதால், ஆன்மீகத்திலேயே இருந்தார். 1985ல் இவர் இவ்வுலகத்தைப் பிரிந்தார். ஆனால், அவர் அங்கிருப்பது போன்ற உணர்வு ஏற்படுகிறது. எதிர் பக்கத்தில், அவரது சமாதி இருக்கிறது. பேட் கிரிபித்ஸ் 1993ல் காலமானாலும், பணம் கிடைப்பதால், சச்சிதானந்த ஆஸ்ரமம் பெரிதாகிக் கொண்டிருக்கிறது. இங்கு, தபோவனம் அப்படியே இருக்கிறது. அதே அமைதி, அதே சாந்தம்! நண்பர் ஒருவர் அப்படியே, அங்கேயே உட்கார்ந்து விட்டார். சில நண்பர்களையும் சந்திக்க முடிந்தது. முதலில் ஶ்ரீசித்பவானந்தரின் சரித்திரத்தை சுருக்கமாக பார்ப்போம்.

Ramakrishna Tapovan - 1942. Sthanumurthy, Manikanth, Gopi, Nagarajan

Ramakrishna Tapovan - Chidbavananda

சின்னுகவுண்டரின் படிப்பும், சென்னைக்குச் சென்றதும்: சின்னுக்கவுண்டர் என்ற சித்பவானந்தர் மார்ச் 11, 1898 அன்று பி. கே. பெரியண்ணக் கவுண்டர், நஞ்சம்மையார் ஆகியோருக்கு மகனாக கோவை மாவட்டம் பொள்ளாச்சியில் செங்குட்டைப்பாளையம் என்ற கிராமத்தில் பிறந்தார். “சின்னு” என்று செல்லமாக அழைக்கப் பட்டார்[2]. ஆத்துப் பொள்ளாச்சி கிராமப் பள்ளியிலும், பொள்ளாச்சி கிராமப்பள்ளியிலும் ஆரம்பக்கல்வி கற்றார். கோவை ஸ்டேன்ஸ் ஆங்கிலப் பள்ளியில் உயர்நிலைப் பள்ளிக் கல்வி கற்றார். இக்காலகட்டத்தில் பொள்ளாச்சிக்கு வந்த பழனிச் சாது சுவாமிகள் அறிமுகம் இவருக்குக் கிடைத்தது. பழனிக்குச் சென்று வர ஆரம்பித்தார். சட்டிச் சுவாமிகள் அறிமுகமும் வாய்த்தது. 1918-இல் சீனியர் கேம்பிரிட்ஜ் தேர்வில் சென்னை மாகாணத்தில் 7-ஆம் இடம் பெற்றார். சென்னை மாநிலக் கல்லூரியில் எஃப்.ஏ. வகுப்பில் சேர்ந்தார். மேற்படிப்புக்காக இங்கிலாந்து செல்லும் நிலையில் சுவாமி விவேகானந்தரது “சென்னைச் சொற்பொழிவுகள்” என்ற நூலின் ஒரு கட்டுரையால் கவரப்பட்டு பயணத்தை நிறுத்தினார். சென்னை மாநிலக் கல்லூரியில் இளங்கலை படித்தார். அப்போது விக்டோரியா விடுதியில் தி. சு. அவிநாசிலிங்கம் செட்டியார் அவர்களுடன் தோழர் ஆனார். இருவரும் சென்னை ஸ்ரீ ராமகிருஷ்ண மடத்திற்குச் சென்று ஸ்ரீமத் சுவாமி சிவானந்தர், ஸ்ரீமத் சுவாமி பிரேமானந்தர் ஆகியோரின் அறிமுகம் பெற்றனர்[3].

Ramakrishna Tapovan and Tirupparaythurai temple - Aerial view

Ramakrishna Tapovan and Tirupparaythurai temple – Aerial view

சின்னுகவுண்டர் சித்பவானந்தர் ஆனது: 1923-ல் இளங்கலை படிப்பை முடித்ததும் அகிலானந்த சுவாமிகளுடன் புவனேஸ்வரம் ஸ்ரீ ராமகிருஷ்ண மடம் சென்று சுவாமி சிவானந்தரிடம் பிரம்மச்சரியத் தீட்சை பெற்றார். திரையம்பக சைதன்யர் என்ற பெயருடன் அங்கே இருந்தார். சுவாமி சிவானந்தரின் அனுமதி பெற்றுத் தென்னாட்டில் பயணம்செய்த சேரன்மகாதேவியில் தேச பக்தர் வ. வே. சு. ஐயரைச் சந்தித்தார். 1924 சூன் மாதம் சலவைத் தொழிலாளி ஒருவர் அளித்த நிலத்தில் சுவாமி சிவானந்தர் ஊட்டி ஆசிரமத்திற்கு அடிக்கல் நாட்டினார். திரையம்பக சைதன்யரின் குடும்பம் ஆசிரமம் அமைக்க உதவி செய்தனர். 1926 சூலை 25 இல் சுவாமி சிவானந்தர் இவருக்குச் சந்நியாச தீட்சை வழங்கி சுவாமி சித்பவானந்தர் என்று பெயரிட்டார். 1926-ம் ஆண்டு முதல் ஐந்தாண்டு காலம் ஸ்ரீராமகிருஷ்ண விஜயம் இதழுக்கு ஆசிரியராகப் பணியாற்றினார். 1939-ல் உதகை ஸ்ரீராமகிருஷ்ண மடத்தின் தலைவர் பொறுப்பை ஏற்றார். 1940-ல் சித்பவானந்தர், உதகையை விட்டுக் காவிரிக் கரை வழியாக நடைப்பயணம் மேற்கொண்டு திருப்பராய்த்துறைக்கு வந்து சேர்ந்தார். திருஞானசம்பந்தர், திருநாவுக்கரசர் மற்றும் மாணிக்கவாசக சுவாமிகளால் பாடல் பெற்ற தெய்வீகத் திருத்தலம் அது. அங்கே அன்பர்கள் அரவணைப்போடு சுவாமி சித்பவானந்தர் தமது ஆன்மிகத் திருப்பணிகளுக்குப் பிள்ளையார் சுழி போட்டார். திருப்பராய்த்துறை திருக்கோயில் வளாகத்தில் உள்ள நூற்றுக்கால் மண்டபத்தில் ஏழைச் சிறுவர் சிறுமியருக்காக ஓர் ஆரம்பப் பள்ளியை 1940-ல் தொடங்கினார் சித்பவானந்தர்[4].

Ramakrishna Tapovan - inner open space

Ramakrishna Tapovan – inner open space, now covered

Ramakrishna Tapovan - old photo

Ramakrishna Tapovan – old photo

Ramakrishna Tapovan - started in 1942

Ramakrishna Tapovan – started in 1942

நூற்றுக்கால் மண்டபத்தில் ஆரம்பப் பள்ளி ஆரம்பித்தது: 1930 முதல் 1940 வரை உதகை ஸ்ரீ ராமகிருஷ்ண மடத்தின் தலைவராக இருந்தார். அப்போது காந்தியடிகள், நாராயணகுரு ஆகியோர் அங்கே வருகை புரிந்தார்கள். சிவானந்தர் சமாதியடைந்த பின்னர் ராமகிருஷ்ண மடத்தில் இருந்து விலகிக் கைலாய யாத்திரை ஒன்றை மேற்கொண்டார். திருச்சி அருகே திருப்பராய்த்துறைக்குச் சென்ற சித்பவானந்தர் தாருகாவனேசுவரர் கோயிலில் 1940 ஆம் ஆண்டில் நடந்த குடமுழுக்கு விழாவில் பங்கேற்றார். அதை நடத்திய ராமநாதன் செட்டியார், கானாடுகாத்தான் அருணாசலம் செட்டியார் ஆகியோருடன் சந்திப்பு ஏற்பட்டது. திருப்பராய்த்துறையில் தங்க முடிவெடுத்தார். நூற்றுக்கால் மண்டபத்தில் ஆரம்பப் பள்ளி ஒன்றை ஆரம்பித்தார். இக்காலத்தில் கோவில்கள், மடங்கள், ஆயிரங்கால் மண்டபங்கள் என்று பல காணாமல் போகின்றன. தெருவில், சாலைகளில் கட்டப் பட்ட, தங்குவதற்காக கட்டப் பட்ட மண்டபங்கள், கோவில்கள் இடிக்கப் படுகின்றன. இல்லை ஆக்கிரமிக்கப் பட்டு வீடுகள், கடைகள், ஓட்டல்கள் என்று மாறுகின்றன. அந்நிலையில், இவர் பள்ளியாக மாற்றியிருக்கிறார். திருச்சி மலைக்கோட்டை தாயுமானவர் கோயிலில் வாரம் ஒருமுறை தாயுமானவர் பாடலுக்கு விளக்கம் அளித்தார்.

Ramakrishna Tapovan - inner open space.another view

Ramakrishna Tapovan – inner open space.another view

Ramakrishna Tapovan - entrance

Ramakrishna Tapovan – entrance

1942-ல் திருப்பராய்த்துறை ராமகிருஷ்ண தபோவனத்தை நிறுவியது: 1942-ல் திருப்பராய்த்துறை ராமகிருஷ்ண தபோவனத்தை நிறுவினார். குருகுல முறையில் விவேகானந்த வித்யாவன நடுநிலைப் பள்ளி மற்றும் விவேகானந்த மாணவர் விடுதி ஆகியவற்றைத் தொடங்கினார். உள்ளூர் மாணவர்களுக்காகத் திருப்பராய்த்துறையில் நடுநிலைப் பள்ளி தொடங்கினார். 1951 ல் தர்ம சக்கரம் மாத இதழை ஆரம்பித்தார். தொடர்ந்து பல கல்வி நிறுவனங்களை ஆரம்பித்தார். சேலத்தில் சாரதா வித்யாலயாப் பெண்கள் பள்ளி, விவேகானந்த ஆசிரியர் கல்லூரி ஆகியவை ஆரம்பிக்கப்பட்டன. 1964ல் மதுரை மாவட்டம் திருவேடகத்தில் ராமகிருஷ்ண ஆசிரமம் ஆரம்பிக்கப்பட்டது. கோவை மாவட்டம் சித்திரச் சாவடியில் இன்னொரு கிளை ஆரம்பிக்கப்பட்டது. 1967 இல் தமிழகத்தில் பெண்களுக்கெனத் துறவுத் தொண்டு நிறுவனமாக சேலத்தில் சாரதா தேவி சமிதி தொடங்கப்பட்டது. 1971-ல் திருவேடகத்தில் விவேகானந்த குருகுலக் கல்லூரி அமைக்கப்பட்டது. 1943-ம் ஆண்டு நடுநிலைப் பள்ளி, மாணவர் விடுதி, அதைத் தொடர்ந்து 30 ஏக்கரில் காவிரிப் படுகையில் மேல்நிலைப் பள்ளி, ஆசிரியப் பயிற்சிக் கல்லூரி என விரிவடைந்தது. 1,952-ல் அச்சகத்தோடு கூடிய தர்ம சக்கரம் என்னும் தமிழ் மாத இதழைத் தொடங்கினார். ரமண மகரிஷி, நாராயண குரு, மகாத்மா காந்தி போன்ற சான்றோர்களுடன் நெருக்கமாயிருந்தார். தமிழில் 92 நூல்களும் ஆங்கிலத்தில் 22 நூல்களும் இவர் படைத்தவை.

Ramakrishna Tapovan - side view, office

Ramakrishna Tapovan – side view, office

EVR, Chidbavananda

ஈவேராவை இருமுறை சந்தித்தது[5]: இவர் சந்தித்தவர்களுள், காமராஜர், அண்ணாதுரை, ஈவேரா, எம்ஜிஆர் முதலியோர் அடங்குவர். ஈவேராவை, இரயில் பயணங்களில் இருமுறை சந்தித்துள்ளார். முதலில் ஈவேரா இவரை சந்திக்கத் தயங்கினார். ஏனெனில், ஏற்கெனவே அவரைப் பற்றிக் கேள்விப் பட்டிருந்தார். ஈரோடில் வாழ்ந்ததால், கவுண்டர் என்ற முறையில் மரியாதை இருந்தது. போதாகுறைக்கு, கடவுளை நம்புகிறவர், கண்டிப்பானவர், ஒழுக்கமானவர் என்றதால், அது அதிகமாகவே இருந்தது. ஈவேரா அவரை “மஹாசந்நிதானம்” என்று தான் அழைத்தார். சித்பவானந்தர், ஈவேராவிடம் அவரது நாத்திகத்தைப் பற்றி பேசியுள்ளார். ஈவேரா சங்கடத்துடன் தான் எதிர்த்தார். ஈவேரா அவர் ஒரு தமிழர் மற்றும் ஒழுக்கத்தைக் கடைப்பிடிப்பவர் என்றதால், அவர் மீது மதிப்பும், மரியாதையும் இருந்தது. ஈவேரா மாணவர்களை அவரது ஶ்ரீ விவேகானந்த வித்யாவனம் பள்ளியில் படியுங்கள் என்று சொன்னார்[6]. ஆனால், திகவினர், இவ்விசயங்களை மறைக்கின்றனர். 1967ல் கடவுளர் படங்களை அரசு அலுவலகங்களிலிருந்து அப்புறப்படுத்த, அண்ணாதுரை ஆணையிட்டபோது, முதலில் தெரு சுவர்களில் ஒட்டப்பட்டிருக்கும் ஆபாச போஸ்டர்களை அப்புறப்படுத்துங்கள் என்றார்.

Hinduism hosts christianity

கிருத்துவர்களுடனான உரையாடல்கள், புத்தகம் வெளியிட்டது: குளித்தலையில், கிருத்துவர்கள் “சச்சிதானந்த ஆஸ்ரமத்தை” ஆரம்பிக்கிறார்கள் என்றாறிந்தார். ஆனால், அரசு அவர்களுக்கு சாதகமான இருந்ததால், சேவை போர்வையில், அது வேகமாக வளர்ந்தது. வேதாந்த நோக்கில் பைபிளைப் பற்றி 1975ம் ஆண்டு ஒரு புத்தகட்தை வெளியிட்டார்[7]. 1979 ஜனவரியில், இத்தாலியிலிருந்து,  கத்தோலிக்க பாதிரிகள் இவரைச் சந்திக்க ஏற்பாடு செய்யப் பட்டது. அவர்களுடன் உரையாடல் ஏற்கொண்டு, சொற்பொழிவாற்றினார். அது புத்தகமாக வெளியிடப் பட்டது[8]. நவம்பர் 16, 1985 அன்று 87வது வயதில் இவர் காலமானார். தபோவனத்திற்கு எதிர்புறம் இவரது சமாதி இருக்கிறது.

© வேதபிரகாஷ்

17-05-2019

Swami Chidbavananda Samadhi

 

Hinduism hosts christianity-chidbagananda

[1]  இவர் தந்திர-சங்கிரஹ என்ற சமஸ்கிருதத்தில் உள்ள வானியல் நூலை ஆங்கிலத்திற்கு மொழிபெயர்த்திருக்கிறார்.

[2]  ஶ்ரீராமகிருஷ்ண தபோவனத்தைப் பற்றி, இங்கு விவரங்களை அறிந்து கொள்ளலாம் – http://www.rktapovanam.org/index.php

[3]  இங்கு அவரது வாழ்க்கைக் குறிப்புகள் காலக் கிரமமாகக் கொடுக்கப் பட்டுள்ளன –  http://www.rktapovanam.org/biography_swamiji.php

[4] https://tamil.thehindu.com/society/spirituality/article19502649.ece

[5]  இது கே.வி.ராமகிருஷ்ண ராவ் என்ற ஆராய்ச்சியாளர் கொடுத்த விவரங்கள் மீது ஆதாரமாக எழுதப் பட்டது.

[6] P. Ramachandran, “Manam Kavarntha Vidyavanam”, Pazaiya Manavar Sanga Pon Vizha Malar, Sri Vivekananda Vidyavanam, Tirupparaitturai, 2008, pp. 134.

[7] Chidbhavananda, Holy Bible in the Light of Vedanta, Tiruppararaitturai: Sri Ramakrishna Tapovanam,1975.

[8]  Swami Chidbavananda, Hinduism Hosts Cristianity, Sri Ramakrishna Tapovanam, Thiruparaythurai, 1979.

Posted in ஆன்மீகம், ஈவேரா, கவுண்டர், சட்டிச் சுவாமிகள், சென்னை மாநிலக் கல்லூரி, தர்ம சக்கரம், திருப்பாராய்த்துறை, நாத்திகம், நூற்றுக்கால் மண்டபம், பெரியார், விவேகானந்த மாணவர் விடுதி, ஶ்ரீசித்பவானந்தர், ஶ்ரீராமகிருஷ்ண தபோவன வளாகம், ஶ்ரீராமகிருஷ்ண தபோவனம், ஸ்ரீராமகிருஷ்ண விஜயம் | Tagged , , , , , , , , , , , , , , | 2 பின்னூட்டங்கள்

திருப்பராய்த்துறை தாருகாவனேஸ்வரர் கோயில்: ஸ்தலபுராண விவரங்களும், சரித்திரமும்!

திருப்பராய்த்துறை தாருகாவனேஸ்வரர் கோயில்: ஸ்தலபுராண விவரங்களும், சரித்திரமும்!

Thipparaythurai temple location

Thipparaythurai temple location-3D

திருப்பராய்த்துறை தாருகாவனேஸ்வரர் கோயில்: திருச்சிராப்பள்ளி, கரூர் தேசிய நெடுஞ்சாலையில் திருச்சியிலிருந்து 16 கிலோ மீட்டர் தொலைவில் திருப்பராய்த்துறை எனும் திருத்தலம் அமைந்துள்ளது. முக்கொம்பு என்னும் சுற்றுலாப் பகுதியின் நுழைவு இடத்தில் இருந்து 2 கிலோமீட்டர் தூரத்தில் உள்ளது  அப்பர், சம்பந்தர் பாடல் பெற்ற சிவாலயமாகும். கோவிலின் கிழக்கில் சுவாமி சித்பவானந்தரின் ஶ்ரீஇராமகிருஷ்ண தபோவனம் உள்ளது. மேற்கில் ஶ்ரீஇராமகிருஷ்ண குடில் உள்ளது. திருக்கோவிலின் வெளிச்சுற்று, உயர்ந்த மதிற் சுவர்களுக்கு இடையே இருக்கிறது. இருபுறமும் மலர்ச் செடிகளின் ஊடே நடுவில் கருங்கல் தள வரிசையில் நடந்து வந்தால், தென் மேற்கில் தனி சன்னிதியில் வீற்றிருக்கும் கன்னிமூலை கணபதியை தரிசிக்கலாம். வடமேற்கில் வள்ளி–தெய்வானை சமேத முருகப்பெருமான் தனிச்சன்னிதியில் கோவில் கொண்டுள்ளார். இது திருச்சி மாவட்டத்தில் குளித்தலை வட்டத்தில் உள்ள திருப்பராய்த்துறை கிராமத்தில் அமைந்துள்ளது. இறைவன் பிட்சாடனராய் சென்று தாருகாவனத்து முனிவர்களின் செருக்கை அகற்றி அவர்கட்கு அருள்புரிந்த தலமென்பது தொன்நம்பிக்கை (ஐதிகம்). தேவாரப் பாடல் பெற்ற தலங்களில் காவிரி தென்கரைத் தலங்களில் அமைந்துள்ள மூன்றாவது சிவத்தலமாகும். முதலாம் பராந்தகன் காலத்தில் கட்டப்பட்ட சோழ நாட்டு மூன்றாவது தென்கரை ஸ்தலம்.

Thiruparaythurai - school on LHS

Thiruparaythurai – Vivekananda Primary school on LHS

Thiruparaythurai - mantap and entry, view from inside

Thiruparaythurai – mantap and entry, view from inside

Thiruparaythurai entrance

Thiruparaythurai entrance

Thiruparaythurai entrance. Navavukkarasu

Thiruparaythurai entrance. Navavukkarasu

Thiruparaythurai entrance. Gnanasambandar

Thiruparaythurai entrance. Gnanasambandar

Thiruparaythurai entrance.Manickavacakar

Thiruparaythurai entrance. Nagappa Chettiyar

Thiruparaythurai entrance. Nagappa Chettiyar

பராய் மரம், காடு, முனிவர் முதலியன: பராய் மரக் காட்டில் இறைவன் எழுந்தருளி இருப்பதால் ‘பராய்த்துறை நாதர்’ என்றழைக்கப் படுகிறார். சமஸ்க்ரிதத்தில் ‘தாருகா வனம்’ என்றும் குறிப்பிடப்படுகிறது. ஒரு காலத்தில் இந்த இடம் பராய் மரங்கள் சூழ்ந்த காடாக இருந்திருக்கிறது. எனவே தான் ‘தாடுகாவனம்’ என்று வடமொழியில் அழைக்கிறார்கள். இறைவன் பராய்த்துறை நாதர் என்றும், தாருகாவன ஈசர் என்றும் மரத்தின் பெயரால் அழைக்கப்படுகிறார். இக்கோவிலின் நடுவில் மிகப் பழங்காலத்து பராய் மரம், சுற்றிலும் கம்பி வேலி இடப்பட்டு காணப்படுகிறது. அடியில் சிவலிங்கம் வீற்றிருக்க சிறிது இலைகளுடன் உயர்ந்து நிற்கிறது பராய் மரம். இந்த மரத்தின் இலைகளும், பட்டையும், வேரும் முழுவதும் மருத்துவ குணமுடைய பராய்மரம் தான் தலவிருட்சமாக உள்ளது. மற்ற எந்த ஆலயத்திலும் இல்லாது இங்கே மட்டும் தான் இந்த மரம் இருப்பதாக கூறப்படுகிறது.

Muvar sculptures and the Chettiyar

Muvar sculptures and the Chettiyar

திருப்பராய்த்துறை ஸ்தல வரலாறு: முன்னொரு காலத்தில் இத்தலத்தில் தவம் செய்துகொண்டிருந்த தாருகாவன முனிவர்கள், தாங்களே அனைத்திலும் உயர்ந்தவர்கள் என்ற மமதையும், தாங்கள் செய்யும், வேள்விகளே முதன்மையானது என்ற ஆணவமும், தங்கள் பத்தினிகளே கற்புக்கரசிகள் என்கிற அகங்காரமும் கொண்டிருந்தனர். மேலும், இதனால் தாங்கள் இறைவனை துதிக்க வேண்டியதில்லை என்றும் ஆணவம். அவர்களுக்கு பாடம் புகட்ட சிவனும், மகாவிஷ்ணுவும் எண்ணினர். சிவபெருமான் காண்பவர்களைக் கவரும் பேரழகுடன், கையில் திருவோடு ஏந்தி பிட்சாடனர் வேடம் தரிக்க, மகாவிஷ்ணு அழகிய மோகினி உருவம் கொண்டார். இருவரும் தாருகாவனம் செல்ல, பெண் வடிவில் வந்த மகாவிஷ்ணுவின் அழகில் மயங்கிய முனிவர்கள் அவரைப் பின் தொடர்ந்தனர். அதேபோல் சிவனின் பேரழகைக் கண்ட முனிவர்களின் மனைவியர், கற்புநெறி மறந்து அவர் பின்னால் செல்லத் தொடங்கினர். தங்களது மனைவிகள் பிட்சாடனர் பின்னால் செல்வதைக் கண்ட முனிவர்கள், அவரை அங்கிருந்து விரட்டினர். ஆனால் அவர் செல்ல மறுத்துவிட்டார். முனிவர்கள் அவரை அழிக்க யாகம் செய்து, யாக குண்டத்திலிருந்து தோன்றிய புலிகளை ஏவினர். சிவபெருமான் அவற்றைக் கொன்று தோலை ஆடையாக்கிக்கொண்டார். பின்னர் பாம்பையும், பூதகணங்களையும் ஏவினர். எதை செய்தும் அவர்களால் வெற்றிகொள்ள முடியவில்லை. அவரை அழிக்க முடியாமல் முனிவர்கள் குழம்பி நின்றபோது, சிவபெருமான் அவர்கள் முன் காட்சியளித்தார். வந்தவர் இறைவன் என்பதை அறிந்த முனிவர்கள் அவரிடம் தஞ்சமடைந்து, தங்களை மன்னிக்கும்படி கேட்டுக்கொண்டனர். சிவபெருமன் அவர்களுக்கு குருவாக இருந்து மன்னித்து, தாருகாவனேஸ்வரராக, சுயம்புலிங்கமாக மாறி காட்சியளித்தார்.

Thiruparaythurai - Gopura inside view

Thiruparaythurai – Gopura inside view

கோவிலில் சந்நிதிகள் அமைப்பு: ஈசன் பீக்ஷாடனராய் சென்று தாருகா வன முனிவர்களின் கர்வத்தை அடக்கி அவர்களுக்கு அருள் புரிந்தமையால் ‘தாருகா வனேஸ்வரர்’. இந்திரன், குபேரன், சப்த ரிஷிகள் பூஜித்து பேறு பெற்ற ஷேத்ரம். அன்னையின் நாமம் ஹேமவர்ணாம்பாள், பசும் பொன் மயிலாம்பாள். ஸ்தல வ்ரிக்ஷம், தீர்த்தம் – தெரிந்ததுதானே. அப்பர், சம்பந்தரால் பாடப் பெற்ற தலம். கொடிமரம், பலி பீடம், நந்திகேஸ்வரர் சேர்ந்திருக்கும் நந்தி மண்டபம். இம்மண்டப தூண்களில் அப்பர், சம்பந்தர், மாணிக்க வாசகர் மற்றும் திருப்பணி செய்த செட்டியாரின் உருவங்களும் உள்ளது. வெளிப் பிராகாரத்தில் விநாயகர், தண்டபாணி. அடுத்த மண்டபம் ஐந்து நிலைகளை உடையது. நேரே கிழக்கு நோக்கிய மூலவர் சன்னதி. ஏழு நிலை ராஜகோபுரத்தைக் கடந்து உள்ளே சென்றால்,  உள்சுற்றில் வலம்புரி விநாயகர், சப்த கன்னியர், அறுபத்து மூவர், சோமஸ்கந்தர், மஹா கணபதி, பஞ்ச பூத லிங்கங்கள், ஆறுமுகர், பீக்ஷாடனார், பிரம்மா, துர்க்கை, கஜலக்ஷ்மி, பன்னிரு கைகளுடன் மயிலேறிய ஷண்முகர், நவக்ரகங்கள், பைரவர். கோஷ்டத்தில் விநாயகர், தக்ஷிணாமூர்த்தி, அர்த்த நாரிஸ்வரர், பிரம்மா, துர்க்கை. சண்டேஸ்வரர், நடராஜர்….துவார பாலகர்களை கடந்து உள்ளே சென்றால் மூலவர் தரிசனம். அம்பாள் சன்னதி தெற்கு நோக்கி. தூண்களில் ஊர்த்துவ தாண்டவம், எதிரில் காளி. இக் கோவிலுள்ள நவகிரகங்களுள் சனிபகவானுக்கு மட்டுமே வாகனம் உள்ளது, ஏனையோருக்கு வாகனமில்லை. முதற் பராந்தக சோழன் காலத்தில் கட்டப்பட்டது இத்திருக்கோயில். இக்கோவிலின் கல்வெட்டில் இத்தலம், “உத்தம சீவிச் சதுர்வேதிமங்கலத்துத் திருப்பராய்த்துறை” என்றும்; இறைவன் பெயர் “பராய்த்துறை மகாதேவர் ” என்றும்; “பராய்த்துறைப் பரமேஸ்வரன்” என்றும் குறிக்கப்படுகிறது.

Thiruparaythurai entrance.garbagruha

Thiruparaythurai entrance.garbagruha

Thiruparaythurai - prakara - LHS

Thiruparaythurai – prakara – LHS

Thiruparaythurai - saptamata and nalvar

Thiruparaythurai – saptamata and nalvar

Thiruparaythurai - saptamata

Thiruparaythurai – saptamata

Thiruparaythurai - pillared mantap.backside

Thiruparaythurai – pillared mantap.backside

தாருகாவன விவரங்கள் எப்படி வடக்கிலிருந்து தெற்கு திசைக்கு வந்தன?: சிவபுராணத்தின் படி தாருகா மற்றும் தாருகி என்ற அரக்கர்கள் குறிப்பிட்ட காட்டில் வாழ்ந்து வந்ததனால் அக்காடு தாருகா வனம் என்ற பெயர் பெற்றது. பிறகு தாருகா, துவாரகா என்று ஆகியது என்றும் சொல்லப்படுகிறது. அது நாகேஸ்வரர் என்ற பெயருடைய பன்னிரெண்டு ஜோதி-லிங்கங்களில் ஒன்றாக சொல்லப்படுகிறது. தாருக என்ற பெயரில் நேபாளத்தில் உள்ள ஒரு சிறிய கிராமம் உள்ளது. அங்கு காய்கறிகளும், ஜல்லிக்கட்டும் பிரசித்தி பெற்றுள்ளன. இருப்பினும் தமிழில் எழுத்துக்கள் இல்லாத நிலையில் ஏற்பட்ட குழப்பம் அல்லது அதற்கு ஏற்றபடி உள்ளூரில் புனையப்பட்ட கதையாக இந்த ஸ்தல புராணம் உண்டாக்கப் பட்டது போல்த் தோன்றுகிறது. வடக்கு மற்றும் வடமேற்கில் உள்ள வனம் / காடு, தென்னாட்டில், திடீரென்று வருவதற்கு எந்த காரணமும் புலப்படவில்லை.

Thiruparaythurai - pillared mantap

Thiruparaythurai – pillared mantap

Thiruparaythurai - prakara-RHS

ஜைனபௌத்த இடைசெருகல்கள் இடைக்கால புராணங்களில் வெளிப்படுவது: தமிழகத்தைப் பொறுத்தவரையில் இடைக்காலத்தில் தான் புராணங்கள் எழுதப் பட்டு, வெளிவந்துள்ளன என்பது அறியப்படுகிறது. கந்தபுராணம்[1], திருவிளையாடல் புராணம்[2], பெரியபுராணம்[3] போன்றவையெல்லாம் இடைக்காலத்தில் தான் வெளிவந்தன. கம்பர் எப்படி வால்மீகி ராமாயணத்தை தமிழில் எழுதினாரோ, அதேபோல இப்புராணங்கள் உருவாக்கப்பட்டன. ஆனால் தமிழகத்தில் முக்கியமாக ஜைனர், பௌத்த மற்றும் சைவ பிரிவினர்களுக்கு இடையே மத ரீதியான மோதல்கள் இருந்து வந்துள்ளன. ஜைனர்கள் ஏற்கனவே தமிழ் இலக்கியங்களில் பல இடைசெருகல்களை செய்துள்ளார்கள். அதேபோல புராணங்கள் என்று வரும்போது, முன்பு ஜைனராக-பௌத்தராக இருந்து சைவர்களாக மாறினர் என்பதால், தமது தாக்கத்தை பதிவு செய்யும் வகையில் அவர்கள் புராணங்களிலும் சைவ-வைணவ கடவுளர்களை உயர்த்திப் பிடிக்கும் நோக்கில் எழுதினாலும், அவர்களை இழிவுபடுத்தும் கவனத்திலும் இத்தகைய கதைகள் புனையப் பட்டன என்பதனை,  இத்தகைய கதைகளின் போக்கிலிருந்து தெரிந்து கொள்ளலாம். அதனால் தான், ஸ்தலபுராணங்கள் குழம்பிக் கிடக்கின்றன மற்றும் அவற்றில் காலம் பற்றி கவலைப் பட்டதாகத் தெரியவில்லை.

Thiruparaythurai - Saptamata from Chidbhavananda website

Thiruparaythurai – Saptamata from Chidbhavananda website

தாருகாவனம் வடக்கிலிருந்து, தெற்கில் வந்த கட்டுக்கதை எடுத்துக் காட்டுவது என்ன?: இந்த தாருகாவன கதைகளில் தெரியவரும் முக்கிய அம்சகள் என்னவென்பதை நாம் சுலபமாக கண்டறியலாம்:

  1. யாகங்களுக்கு எதிரியாக கருத்துருவாக்கம் ஏற்படுத்துவது
  2. ரிஷிகள், பிராமணர்களை இழிவு படுத்துவது
  3. குறிப்பாக ரிஷிகளின் மனைவிகள் ஏதோ அபச்சாரம், விபச்சாரம் செய்தது போல சித்தரிப்பது.
  4. விஷ்ணு சிவன் கடவுளர்களை கேலி செய்வது, கொச்சைப்படுத்துவது
  5. இரு கடவுளர்களும் ஆண் பெண் வேடமிட்டு செல்வது போல சித்தரிப்பது
  6. அதனை வைத்து இவர்களுக்கும் ஐயப்பன் பிறந்தான் என்ற இன்னொரு கதையை உருவாக்குவது.
  7. பௌத்தம் அல்லது ஜைனம் அல்லாதவர்களுக்கு, இக்கதைகளினால் எந்த பலனும் இல்லை அவர்களுக்கு தேவையான விஷயங்களை இல்லை
  8. அதாவது எந்த சைவனும் அல்லது வைணவனும் இத்தகைய கதைகளை உருவாகியிருக்க முடியாது.
  9. ஏனெனில், அவை அவர்களையே பழிப்பது, தூஷிப்பது மற்றும் கேவலப்படுத்துவது போன்று உள்ளது.
  10. ஆகவே, இக்கதை மற்றும் இதர புனைப்புகள் எல்லாமே ஜைனர் மற்றம் பௌத்தர்களால் உருவாக்கப்பட்டது என்பது தெளிவாகிறது.
  11. அதனால்தான் பெரியபுராணத்தில் சைவர்கள், ஜைனர்கள், பௌத்தர்கள் எப்பொழுதுமே ஒருவருக்கொருவர் சண்டையிட்டுக் கொண்டு இருப்பது போலவே சித்தரிக்கப்பட்டுள்ளது.
  12. கடவுள் மறுப்பு, இறையியல் சித்தாந்தம் முதலியவை மற்ற விஷயங்களிலும் உண்மையிலேயே மோதல்கள் நடைபெற்றனவா, தோற்றவர்கள் தண்டிக்கப் பட்டனரா அல்லது தாமே ஏற்றுக் கொண்டனரா என்பது ஆராய்ச்சிக்குரியவை.

 எனினும் மேற்குறிப்பிட்ட கருத்துகள், அவர்களின் விஷமத்தனமான பிரயோகம் மற்றும் அதன்படி புராணங்கள்தௌருவாக்கப் பட்டன என்பதனை தெளிவாக தெரிந்து கொள்ளலாம்.

Thiruparaythurai - Dhakshinamurthy and Arthanareswarar

சரித்திர ஆதாரமிலாதவற்றை நீக்கி, ஸ்தலபுராணங்கள் முறைப்படுத்த வேண்டும்: சைவம் வளர்ந்த பின்னர் கதைகள் எல்லாம் விசுவாசத்துடன், நம்பிக்கையுடன் மற்றும் பக்தியுடன் பல ஸ்தல புராணங்களில், நிலை நிறுத்தப்பட்டுள்ளன. பல்லாயிரக்கணக்கான கோவில்கள், பல்வேறு இடங்களில் கட்டப்பட்டு இருக்கும்போது, எவ்வாறு வேதகால முனிவர்கள்-ரிஷிகள், இதிகாச காலத்து புருஷர்கள், முதலியோர் அங்கும் இங்குமாக வந்து சென்று இருக்க முடியும் என்பதனை கவனிக்க வேண்டும். மகாபாரதத்தின் காலம் 3102 BCE என்று ஏற்றுக்க்கொண்ட பிறகு, அகழ்வாய்வு ஆதாரங்கள் எதுவுமே இல்லாத நிலையே அவர்கள் இங்கு வந்தார்கள், சப்தரிஷிகள் கோவில்களிலும் இருந்தார்கள் அதாவது அந்த இடங்களில் இருந்தார்கள், ராமன் லட்சுமணன் சீதை எல்லாம் அங்கு தங்கினார்கள் என்றெல்லாம் ஒவ்வொரு இடத்திற்கும் ஏற்ற வகையில் மாற்றி எழுது வருவது சரித்திர உண்மை ஆகாது. பக்திப்பூர்வமாக நம்புகின்ற ஏற்றுக்கொள்ள கூடிய நிலையில் இருந்தாலும், சரித்திரத்துக்கு புறம்பாககைருக்கும்போது, மற்ற விவரங்களை தெரிந்து கொள்ள வேண்டிய அவசியமும் உள்ளது. இன்று குறிப்பிடப்படும் 800-1000 ஆண்டு சரித்திர நிகழ்வுகளை, முறையாக காலக்கிரமமாக, பட்டியலிட்டால் இந்தக் குளறுபடிகளை நிவர்த்தி செய்து விடலாம். இதற்கான முயற்சியை ஆராய்ச்சியாளர்கள் பண்டிதர்கள் மற்றவர்கள் ஈடுபட வேண்டும்.

© வேதபிரகாஷ்

17-05-2019

Thiruparaythurai - Linga and Devi

[1] 12ம் நூற்றாண்டில், கச்சியப்ப சிவாச்சாரியாரால் இயற்றப் பட்டது. ராமாயணத்தைத் தழுவி, கந்த புராணம் இயற்றப்பட்டது என்றும் எடுத்துக் காட்டுவர், சில ஆராய்ச்சியாளர்.

[2] 16 ஆம் நூற்றாண்டில் பரஞ்சோதி முனிவரால் இயற்றப்பட்டது.

[3] பெரியபுராண விவரங்கள்  350 – 1113 காலகட்டத்தைக் காட்டுகிறது. எனவே 12ம் நூற்றாண்டில் தொகுக்கப் பட்டது எனலாம்.

Posted in உழவாரப் பணி, சப்த கன்னியர்கள், சப்தமாதர், சப்தமாதா, சமஸ்கிருதம், சம்பந்தர், சுவாமி சித்பவானந்தர், ஜைனர், தாருகா வனம், தாருகாவனேஸ்வரர், திருப்பராய்த்துறை, பராய்மரம், பாடல் பெற்ற தலம், பாடல் பெற்ற ஸ்தலம், முதலாம் பராந்தகன், ஶ்ரீஇராமகிருஷ்ண தபோவனம் | Tagged , , , , , , , , , , , , , , , , | பின்னூட்டமொன்றை இடுக

ஶ்ரீகடம்பவனேஸ்வரர் கோவில், குளித்தலை: இருப்பிடம், வரலாறு மற்றும் சிறப்பு!

ஶ்ரீகடம்பவனேஸ்வரர் கோவில், குளித்தலை: இருப்பிடம், வரலாறு மற்றும் சிறப்பு!

Kulittalai - Kadambavaneswarar - location

Kulittalai – Kadambavaneswarar – location

Kulittalai - Kadambavaneswarar - side

குளித்தலை – பெயர் வர காரணம்: 12-05-2019 காலை திருவெண்ணைநல்லூர் கோவிலுக்குப் பிறகு, மாலை கரூரை அடைந்தோம். முன்பு, இருமுறை குளித்தலைக்கு வந்தபோது, நாங்கள் சாந்திவனத்தில் உள்ள சச்சிதானந்த ஆஸ்ரமம் என்ற கிருத்துவ இடத்திற்குச் சென்றிருக்கிறாம். குளித்தலை நகரானது கடம்பந்துறை, குழித்தண்டலை என்று புராண காலத்தில் அழைக்கப்படுள்ளது. இத்தலத்தில் கடம்பம் எனும் மரம் அதிகமிருந்தமையால் என்று அழைக்கப்பட்டிருந்தது. சேரமகாசுரனிடத்திலிருந்து திருமால் வேதங்களை மீட்டற்குக் காரணமாகிய திருவருளைப்பெற்ற இடமாதலில் சதுர்வேதபுரியென்றும், முருகவேள் பூசித்துப் பேறுபெற்றமையிற் கந்தபுரமென்றும் இது பெயர்பெறுகிறது, பிரமதேவரால் வழிபட்டுத் திருக் கோயில் முதலியன அமைத்துத் திருத்தேர்விழாவும் நடத்தினதால் பிரமபுரமென்றும் அழைக்ப்படுகிறது. தட்சிணகாசி, குழித்தண்டலை என்று பெயரும் இத்தலத்திற்கு உண்டு.

Kulittalai - Kadambavaneswarar - front.mantap

ulittalai – Kadambavaneswarar – front.mantap

Kulittalai - Kadambavaneswarar - inscription-modern

Kulittalai – Kadambavaneswarar – inscription-modern

கடம்பவனேஸ்வரர் கோயில் இருப்பிடம்: அமைப்பு கரூர் மாவட்டத்தில் திருச்சியில் இருந்து கரூர் வழியாக கோயம்புத்தூர், ஈரோடு செல்கின்ற நெடுஞ்சாலையில் குளித்தலையில் கடம்பவனேஸ்வரர் கோயில் அமைந்துள்ளது[1]. இக்கோயிலானது வடக்கு நோக்கி அமைந்துள்ளது. வடக்கில் கால் கிமீ தூரத்தில்  அகண்ட காவிரி ஓடுகிறது. கோயில் இரண்டு பிரகாரங்களை கொண்டது. கோயிலை சுற்றி தேரோடும் வீதி உள்ளது[2]. கோயிலின் நுழைவு வாயிலுக்கு முன் புறம் ஒரு மண்டபம் இருக்கிறது. கோவில் 1.38 ஏக்கர் நிலப்பரப்பில் வடக்கு நோக்கிய ஐந்து நிலை ராஜகோபுரம் அமைந்துள்ளன. இரண்டு பிரகாரங்கள் உள்ளன. கோவிலுக்கு முன் மண்டபம் உள்ளன. உட்புறத்திலுள்ள இரண்டாம் பிரகாரத்தில் கிழக்கில் வாகன மண்டபமும், மடப்பள்ளியும், கிணறும், காலசந்நிதியும் உள்ளது. தென்கிழக்கு மூலையில் பிரம்ம தீர்த்தம் இருக்கிறது. வடமேற்கு மூலையில் நவராத்திரி மண்டபம் இருக்கிறது. இதனருகிலேயே அம்பாள் சந்நிதி கிழக்கு நோக்கி உள்ளது. அம்பாள் சந்நிதிக்கு முன்புறத்தில் சுவாமி அம்பாளுக்குரிய கொடிமரம், பலிபீடங்கள் இருக்கின்றன. மூலவர் வடக்கு நோக்கிய அழகுடனே சிவலிங்கத் திருமேனி அருளோட்சுகிறார்.

Kulittalai - Kadambavaneswarar - inscription-modern.2

Kulittalai - Kadambavaneswarar - inner prakaram

கடம்பவனேஸ்வரர்பெயர் காரணம்: கரூர் மாவட்டம் குளித்தலையில் அமைந்துள்ளது கடம்பவனேஸ்வரர் கோயில். முற்காலத்தில் கடம்ப மரங்கள் நிறைந்த இந்தப் பகுதியில் கோயில் அமைந்திருந்ததால், சிவபெருமான் கடம்பவனேஸ்வரர் என்று திருப்பெயர் ஏற்றார்[3]. தல விருட்சம் கடம்ப மரம். சிவன் கோயில்கள் பெரும்பாலும் கிழக்கு நோக்கி அல்லது மேற்கு நோக்கி அமைந்திருக்கும். ஆனால், இந்தக் கோயில் வடக்கு நோக்கி அமைந்திருப்பதால், காசிக்கு நிகரான தலமாகப் போற்றப்படுகிறது[4]. இந்தக் கோயிலில் சிவபெருமான் சுயம்புவாகத் தோன்றியவர். அம்பிகை பாலகுஜலாம்பிகை[5]. இச்சிவாலயத்தின் மூலவர் கடம்பவனநாதர், கடம்பேசுவரர் என்ற பெயர்களில் அழைக்கப்படுகிறார். அம்பாள் / இறைவி பாலகுஜலாம்பாள் [இதற்கு இளமையான முலைகளைப் பெற்றவள் என்று பொருளாகும்] என்றும் முற்றிலா முலையம்மை என்றும் அழைக்கப்படுகிறாள். அம்பிகைக்கு இரு மகன்கள் இருந்தாலும், அவர்களை கருவில் சுமந்து இறைவி பெறவில்லை என்பதால், முலைகள் இளமையானது என்று கூறுகின்றனர்[6]. சப்த கன்னியர்கள், அகத்தியர், கண்ணுவ முனிவர், முருகன் ஆகியோர் இச்சிவாலயத்தில் இறைவனை வழிபட்டுள்ளனர்.

Kulittalai - Kadambavaneswarar - Annadhanam - LHS

Kulittalai - Kadambavaneswarar - LHS view

Kulittalai - Kadambavaneswarar - some sculptures

Kulittalai - Kadambavaneswarar - front.sculpture on LHS

Kulittalai - Kadambavaneswarar - tank corner

சப்தகன்னியர் தொடர்பு: தேவார பாடல் பெற்ற தலங்கள் 277 இருக்கின்றன. காவிரிக்கு தென்கரையில் மட்டும் 127 தலங்கள் தேவாரப்பாடல்கள் பெற்ற  தலங்கள் ஆகும். தலங்களில் காவிரி தென்கரையில் அமைந்துள்ள ஒரே கோயில் இதுவாகும்[7]. அசுரர்களுக்கும் தேவர்களுக்கும் போர் நடந்தபோது, கத்யாயன முனிவருக்கு சப்த கன்னியர்கள் தொல்லைகொடுத்தனர். இதனால், கோபம் அடைந்த அந்த முனிவர், அவர்களுக்கு சாபம் இட்டார். உடனே  ஆகிய ஏழு சப்தகன்னிகளும் முனிவரிடம் தங்களை மன்னித்து அருளுமாறு வேண்டினர். அதற்கு அந்த முனிவர், வடக்கு திசையில் இருக்கும் சிவனை வழிபட்டால் சாபம் தீரும் என்று கூறினார். இதையடுத்து, அந்த சப்த கன்னியர் குளித்தலை வந்து சிவனை வழிபட்டு, தங்கள் சாபம் நீங்கப்பெற்றனர். இத்தலத்தின் வரலாக சொல்லப்படுகின்ற மற்றொரு கதையில் தூம்ரலோசனன் சப்த கன்னியரை துரத்தி வர அவர்கள் சிவபெருமானின் பின்னே ஒளிந்து கொண்டார்கள். இறைவன் சப்த கன்னியருக்கு அடைக்கலம் தந்து அரக்கனை அழித்தார். பின்னர், அவர்கள் சிவன் வீற்றிருக்கும் கருவறைக்குப் பின்புறமே அமர்ந்து பக்தர்களுக்கு அருள்புரிந்துவருகிறார்கள்[8]. சப்த கன்னியர்களுக்கு கோயில்களில் உபசந்நிதி அமைந்திருக்கும். சில இடங்களில் சப்த கன்னியர்களுக்கு தனியாகக் கோயில் அமைந்திருக்கும். மூலஸ்தானங்களில் மற்ற தெய்வங்களுடன் இருப்பதுபோன்ற அமைப்பு எங்கும் இருக்காது.

Kulittalai - Kadambavaneswarar - broken Rama sculpture

Kulittalai - Kadambavaneswarar - broken Rama sculpture and others

Kulittalai - Kadambavaneswarar - broken Rama sculpture.closer view

வழிபாடும், நம்பிக்கைகளும்: குளித்தலை கடம்பவனேஸ்வரர் கோயில் கருவறையில், சிவனுக்குப் பின்புறமாக சப்த கன்னியர்கள் இடம் பெற்றிருப்பது இங்கு மட்டுமே உள்ள தனிச்சிறப்பாகும். காலை கடம்பர், மதியம் சொக்கர், அந்தி வேளையில் திருஈங்கோய்நாதர் என்பது இங்கு சொல்லப்படும் சிறப்பாகும். அதாவது, குளித்தலை கடம்பரை காலையிலும், அய்யர் மலை சொக்கரை மதியமும், மாலையில் முசிறி திருஈங்கோய்மலை நாதரையும் வழிபட்டால், காசிக்கு போனதற்குச் சமம் என்பர். துர்க்கை அம்மனுக்கு வடக்கு நோக்கியே சந்நிதி அமைந்திருக்கும். இங்கு சிவனே வடக்கு நோக்கி இருப்பதால், இங்கு துர்க்கை அம்மன் இல்லை. திருமணமாகாத பெண்கள் 48 நாள்கள் இங்கு வந்து சப்த கன்னியர்களுக்கு விளக்கு ஏற்றி வழிபட்டால், திருமணம் நடக்கும் என்பது நம்பிக்கை. அதுமட்டுமின்றி, இங்குள்ள கடம்பவனேஸ்வரருக்கும் பாலகுஜலாம்பிகை அம்மனுக்கும் திருமணம் செய்துவைத்தால், திருமணத்தடை அகலும் என்பதால், ஏராளமான பக்தர்கள் சுவாமிக்கு திருமணம் செய்துவைத்து வழிபாடு நடத்துகிறார்கள். இக்கோயிலின் தீர்த்தம் அக்னி தீர்த்தம் ஆகும். மாசி மாதத்தில் பிரம்மோற்சவமும் தை மாதத்தில் பூசத் திருவிழாவும் மிகவும் சிறப்புப் பெற்றது.

Kulittalai - Kadambavaneswarar - Nayanmars

Ammam sannidhi
மாசி மகப் பெருவிழாவையொட்டி தேரோட்டம்: இந்தக் கோயிலில், மாசி மகப் பெருவிழாவையொட்டி, குளித்தலை கடம்பவனேஸ்வரர் கோயில் பெரிய தேரோட்டம் விமரிசையாக நடந்தது. குளித்தலை கடம்பவனேஸ்வரர்கோயில், முற்றிலா முலையம்மை உடனுறை கடம்பவனேஸ்வரர் கோயில் மாசி மகப்பெருவிழா ஒன்பதாம் நாள் நிகழ்ச்சியான காலை 10 மணியளவில், திருத்தேர் வடம் பிடித்து தேரோட்டம் நடைபெறும். இதில், சுற்றுவட்டாரப் பகுதிகளைச் சேர்ந்த ஆயிரக்கணக்கான பக்தர்கள் கலந்துகொள்வர். நேர்த்திக் கடனாக, பொதுமக்களுக்கு அன்னதானம் வழங்குவர். பழமை போற்றும் விழக்களில், இது தொடர்ந்து நடந்து வருகிறது.

Kulittalai - Kadambavaneswarar - Dhakshinamurthy

Kulittalai - Kadambavaneswarar - Lingotbavar

கல்வெட்டு கூறும் விவரங்கள்: பாகையென்பது தொண்டைநாட்டில் திருக்கூவமென்னும் தலத்துக்கு அருகில் உள்ளது பாகசாலை யென்னும் ஊர். அவ்வூரின் பெருந்தனவந்தர் சரவண முதலியார் என்பவர் சற்றேறக்குறைய 200 வருடங்களுக்கு முன்பு திரிசிராப்பள்ளி நவாபினிடம் மந்திரியாக இருந்தவர். அவர் இத்தலத்தில் இருந்த திருவாவடுதுரை ஆதீனத்து மடத்தில் மடபதியாக இருந்தவரிடம் நண்பராக இருந்தார். அவ்விருவர்களும் சேர்ந்து கடம்பந்துறைக்கோயிலை புதுப்பித்து தேர்-திருத்தேர், திருவாபரணம் முதலியவை செய்து வைத்திருக்கின்றார்கள். பல ஜமீன்தார்கள் சரவண முதலியாரின் தெய்வபக்தி முதலியவற்றை உணர்ந்து இவருக்குப்பல கிராமங்களை செப்புச்சாஸனம் மூலமாக அளித்திருக்கிறார்கள். சரவண முதலியாரின் உருவம் கடம்பந்துறைக்கோயில் தூணில் அமைக்கப்பட்டுள்ளது. இங்குள்ள கல்வெட்டு மூலம் தெரியவருகின்றது[9].

Kulittalai - Kadambavaneswarar - Saptamata etc

Kulittalai - Kadambavaneswarar - Muruga, Valli, Sena

Kulittalai - Kadambavaneswarar - broken pillars etc

உடைந்த சிற்பங்கள் முதலியவை: கோவிலைச் சுற்றி வரும்போது, இடது மற்றும் வலது பக்கங்களில் உடைந்த சிற்பங்கள், தூண்கள் முதலியன காணப்படுகிறன.இடது பக்கத்தில் விநாயகர் மற்றும் கையில் கொம்பு வைத்திருக்கும் ஒரு துறவியின் சிற்பங்கள் காணப்படுகின்றன. இவையெல்லாம் எங்கேயிருந்தன என்று தெரியவில்லை. அதேபோல, வலது பக்கம், பெரிய ராமர் சிலை உடைந்த நிலையில் காணப்படுகிறது. வலது பக்க மூளையில், தூண்கள், உடைந்த சிற்பங்களின் பாகங்கள் குவித்து வைக்கப் பட்டிருக்கின்றன. இவையெல்லாம், இக்கோவிலைச் சேர்ந்ததா அல்லது வேறு கோவிலிலிருந்து எடுத்துவரப் பட்டதா என்று தெரியவில்லை. உடைந்த ராமர் சிலை நிச்சயமாக, இருந்ட ஒரு வைஷ்ணவ கோவிலைக் காட்டுகிறது. லிங்கத்தின் பின்னால் இருக்கும் சப்தமாதர் உருவங்கள், சக்தி வழிபாட்டுஸ்தலம் இருந்ததையும்காட்டுகிறது.

© வேதபிரகாஷ்

17-05-2019

Kulittalai Saptamata

[1] தினகரன், குளித்தலை கடம்பவனேஸ்வரர் தல வரலாறு, 2015-02-03@ 12:42:58

[2] http://www.dinakaran.com/Aanmeegam_Detail.asp?Nid=7441

[3] விகடன், காசிக்கு நிகரான கடம்பவனேஸ்வரர் கோயில் தேர்த் திருவிழாகுளித்தலை கோலாகலம்!, துரை.வேம்பையன் நா.ராஜமுருகன், வெளியிடப்பட்ட நேரம்: 21:14 (19/02/2019) கடைசி தொடர்பு:21:14 (19/02/2019).

[4] https://www.vikatan.com/news/tamilnadu/150164-kadambavaneswarar-temple-car-festival.html

[5] தினமணி, கருவறையில் சிவனுக்கு பின்புறமாக சப்த கன்னியர்கள், பார்வதி அருண்குமார், 2013/12/06

[6] திருவண்ணாமலை தேவி, அபிதகுசலாம்பாள் அல்லது உண்ணாமுலை அம்மாள் எனப்படுவதை கவனிக்கலாம்.

[7]http://astrology.dinamani.com/sections/%E0%AE%95%E0%AE%B0%E0%AF%81%E0%AE%B5%E0%AE%B1%E0%AF%88%E0%AE%AF%E0%AE%BF%E0%AE%B2%E0%AF%8D-%E0%AE%9A%E0%AE%BF%E0%AE%B5%E0%AE%A9%E0%AF%81%E0%AE%95%E0%AF%8D%E0%AE%95%E0%AF%81-%E0%AE%AA%E0%AE%BF%E0%AE%A9

[8]  சப்தமாதர்களைப் பற்றிய புதுகதைகள் எவ்வாறு  புனையப் படுகின்றன என்பதனைக் கவனிக்கலாம். சப்தரிஷிகளின் மனைவியர், ஏழு பத்தினிப் பெண்களாகக் கருதப் படுவர். பிறகு, அவர்கள் கன்னிகளாக மாற்றப் பட்டதை கவனிக்கலாம்.

[9] கடம்பர் உலா-உ.வே.சாமிநாத அய்யர் குறிப்புரை-செந்தமிழ்ப் பிரசுரம்-எண்.67. மதுரைத் தமிழ்ச் சங்க முத்திராசாலை, மதுரை. பதிப்பாண்டு-1932.

Posted in கடம்பந்துறை, கடம்பவனநாதர், கடம்பவனம், கடம்பவனேஸ்வரர், கடம்பேசுவரர், கடம்பை, குளித்தலை, சாமுண்டி, திருஈங்கோய்மலை, தூம்ரலோசனன், பாலகுஜலாம்பாள், பாலகுஜலாம்பிகை, பிராம்மி, மகேஸ்வரி, முருகன், முற்றிலா முலையம்மை, வாராகி, வைஷ்ணவி | Tagged , , , , , , , , , , , , , , , , , , , , , , | பின்னூட்டமொன்றை இடுக

திருவெண்ணை நல்லூர் கோவில்: சுந்தரமூர்த்தி நாயனார் சிவனுடன் வாதிட்ட ஸ்தலம்!

திருவெண்ணை நல்லூர் கோவில்: சுந்தரமூர்த்தி நாயனார் சிவனுடன் வாதிட்ட ஸ்தலம்!

Thiruvennainallur temple location - google

Thiruvennainallur temple location – google

மூன்று லிங்கங்கள் இருப்பதனால், வாதீஸ்வரர், திருவெண்ணைநல்லூர் மற்றும் கிருபாபுரீஸ்வரர் என்று குறிப்பிடப் படுகிறார்.

Thiruvennainallur temple - google

Thiruvennainallur temple – google

திருவெண்ணைநல்லூர் கோவில் இருப்பிடம்: சென்னையிலிருந்து, விழுப்புரத்தைத் தாண்டியதும், வலதுபக்கம், ஹைவேலிருந்து, உள்ளே சென்றால், திருவெண்ணைநல்லூரை [11°51’45″N   79°22’1″E] அடையலாம். திருக்கோவிலூரில் இருந்து தென்கிழக்கே சுமார் 20 கி.மி. தொலைவிலும், விழுப்புரத்திலிருந்து 22 கி.மீ. தொலைவிலும் பெண்ணையாற்றின் தென்கரையில் திருவெண்ணைநல்லூர் தலம் அமைந்துள்ளது. திருக்கோவிலூரில் இருந்து அரசூர் செல்லும் சாலையில் சென்று இத்தலத்தை அடையலாம். விழுப்புரம், உளுந்தூர்பேட்டை மற்றும் திருக்கோவிலூரில் இருந்து இங்கு வர நேரடிப் பேருந்துகள் உள்ளன. அம்பிகை வெண்ணெயால் கோட்டை அமைத்து இறைவனை வழிபட்டதால் வெண்ணெய் நல்லூர் என்று பெயர் பெற்றது.  கிருபாபுரீஸ்வரர் = அருட்கொண்டநாதர், ஆட்கொண்டநாதர், வேணுபுரீஸ்வரர். அம்மன் / தாயார் – மங்களாம்பிகை /வேற்கண்ணியம்மன். [93456 60711].

Thiruvennainallur temple - entrance

Thiruvennainallur temple – entrance

Thiruvennainallur temple - entrance.other view

Thiruvennainallur temple – entrance.other view

Sundarar puranam -1

ஸ்தல வரலாறு கூறும் கல்வெட்டு-1

Sundarar puranam -2

ஸ்தல வரலாறு கூறும் கல்வெட்டு-2

Sundarar puranam -3

10 ஏக்கர் பரப்பளவில் அமைந்துள்ள கோவில்: இவ்வாலயம் சுமார் 10 ஏக்கர் நிலப்பரப்பில் ஒரு இராஜகோபுரத்துடனும் இரண்டு பிராகாரங்களுடனும் அமைந்துள்ளது. கோபுரம் கடந்து உள்ளே நுழைந்தால் வலது பக்கம், சுந்தரர் வழக்கு நடந்த “வழக்கு தீர்த்த மண்டபம்” உள்ளது. அடுத்து செப்புக் கவசமிட்ட கொடிமரம், கொடிமர விநாயகர், பலிபீடம் ஆகியவை நேர் வரிசையாக இருக்கின்றன. நேரே உயரத்தில், மேலே, சுந்தரருக்கு இறைவன் ரிஷபாரூடராகக் காட்சி தந்த விமானக் கோயில் உள்ளது. அதற்கு எதிரில் கீழே சுந்தரர் சந்நிதி உள்ளதையும் காணலாம். இவ்வுருவத்தில் சுந்தரர் கையில் ஓலையுடன் காட்சியளிக்கிறார். இத்தல மூலவர் சுயம்பு லிங்கமாக கிருபாபுரீஸ்வரர் என்ற பெயருடன் கிழக்கு நோக்கி காட்சி தருகிறார். அம்மன் மங்களாம்பிகை சந்நிதியும் கிழக்கு நோக்கியே உள்ளது. கோவிலின் தென்புறம் தண்டதீர்த்தம் உள்ளது. உட்பிராபாரத்தில் பொள்ளாப் பிள்ளையார், முருகன், சுந்தரர் சந்நிதிகள் உள்ளன.

Thiruvennainallur temple - entrance. inscriptions

Thiruvennainallur temple - inside.donors inscription

Thiruvennainallur temple - inside.depiction of Shiva coming as a Brahmin

Thiruvennainallur temple - inside

Thiruvennainallur temple - inside.thulabharam

 

Thiruvennainallur temple - arguing with Siva

Thiruvennainallur temple – arguing with Siva

உள்ளே நுழைந்ததும், இடது பக்கம் சுந்தரர் சந்நிதி உள்ளது.

Thiruvennainallur temple - Sundarar Sannidhi, LHS

மற்ற விவரங்கள்: உள்ளே நுழையும் போது, வாசலில், இரு பக்கமும், பிச்சைக்காரர்கள் வரிசையாக உட்கார்ந்திருக்கின்றனர். தானம் கொடுப்பதால், அவர்கள் அவ்வாறு உட்கார்ந்திருக்கின்றனர். கோவிலுக்குள் நுழைந்ததும், இடது பக்கத்தில் 63 நாயன்மார்கள் சிலைகள் உள்ளன. தாண்டி சென்றால், வலது பக்க மூலையில், ஒரு கற்சிற்பம் காணப்படுகிறது. கைகள் கூப்பிய நிலையில் இருக்கும், அவர் யார் என்று தெரியவில்லை.  சடையப்ப வள்ளலலுடஐது என்று யூகிக்கப் படுகிறது. ஒரே ஒரு தூண் தனியாக இருப்பதும் விசித்திரமாக இருக்கிறது. காலபைரவர் விக்கிரகத்தைச் சுற்றி சுவரில் போன் / மற்ற நம்பர்கள் எழுதப்பட்டுள்ளன. ஒரு வேளை அப்படி செய்தால் பணம் / பலன் கிடைக்கும் என்று யாரோ சொல்லியிருக்கிறார்கள் போலும். எடைக்கு எடை தானம் கொடுக்கும் “துலாபாரம்” வழக்கமும் இங்குள்ளது. சுந்தரருடன் வாதிட வந்தபோது, போட்டு வந்த காலணி என்று இங்கு வைக்கப் பட்டுள்ளது. C – 14 மூலம் தேதியைக் கண்டு பிடித்து விடலாம். பக்கத்தில் இருக்கும் கல்வெட்டில், இக்கோவில் புராணம் எழுதப் பட்டுள்ளது. கல்வெட்டுகளும் காணப்படுகின்றன. சில முழுவதும் எழுதப் படாமல் இருப்பதும் தெரிகிறது. “வாதாடீஸ்வரர்” மண்டபம், தூண்களுடன் காணப்படுகிறது.

Thiruvennainallur temple - Nayanmars statues.

Thiruvennainallur temple - Nayanmars statues.further

Thiruvennainallur temple - statue.LHS corner

Thiruvennainallur temple – statue. LHS corner

Thiruvennainallur temple - statue.LHS corner.closer view

Thiruvennainallur temple – statue. LHS corner.closer view

Thiruvennainallur temple - statue in fallen position

Thiruvennainallur temple – statue in fallen position

Thiruvennainallur temple - statue

Thiruvennainallur temple – statue

2005ல் குண்டு மிரட்டலும், காவலாளி கொலையும்: விழுப்புரம் மாவட்டம் திருவெண்ணை நல்லூர் சிவன் கோவில் வளாகத்தில், மார்ச்.26, 2005 அன்று கோவில் காவலாளி அடையாளம்தெரியாத கும்பலால் படுகொலை செய்யப்பட்டார். திருவெண்ணை நல்லூர் சிவன் கோவில் மிகவும் புகழ் பெற்ற பழமையான கோவிலாகும். இந்தக் கோவிலில் காவலாளியாக பணியாற்றி வந்தவர் சண்முகம். ஓய்வு பெற்ற ராணுவ வீரரான சண்முகம் இன்று காலை வழக்கம் போல பணியில் இருந்தார். அப்போது கோவிலுக்குள் வந்த ஒரு கும்பல், சண்முகத்தை சரமாரியாக தாக்கியது. அரிவாள் மற்றும் கட்டைகளால்தாக்கப்பட்டதால், தலையில் படுகாயம் ஏற்பட்டு சண்முகம் சம்பவ இடத்திலேயே பிணமானார்[1]. சிவன் கோவிலுக்குள் நடந்த இந்த பயங்கர கொலைச் சம்பவம் திருவெண்ணைநல்லூரில் பெரும் பரபரப்பை ஏற்படுத்தியுள்ளது. கொலைக்கு முன்விரோதம் காரணமாக இருக்கலாம் எனக் கூறப்படுகிறது. கொலைக் கும்பல், கொள்ளை முயற்சியில் ஈடுபடவில்லை என்பது குறிப்பிடத்தக்கது. இந்தக் கோவிலுக்கு கடந்த சில மாதங்களாக அடிக்கடி வெடிகுண்டு மிரட்டல் வந்தது. இதைத் தொடர்ந்து கோவிலுக்கு போலீஸ்பாதுகாப்பு கொடுக்கப்பட்டிருந்தது. சமீபத்தில்தான் பாதுகாப்பு விலக்கிக் கொள்ளப்பட்டது. கோவிலுக்கு ஏன் குண்டு மிரட்டல் வரவேண்டும் என்று தெரியவில்லை.இந்த நிலையில் தற்போது காவலாளி படுகொலை செய்யப்பட்டிருப்பது குறிப்பிடத்தக்கது[2]. இருப்பினும், பின்னர் என்னவாயிற்று என்று தெரியவில்லை.

Thiruvennainallur temple - view from backside

Thiruvennainallur temple - view from backside.RHS.anoter view

Thiruvennainallur temple - view from backside.RHS

Thiruvennainallur temple - view from backside.RHS. yet anoter view

சுந்தரர் புராணம்: திருக்கயிலாயத்தில் சிவபெருமானுக்குத் திருத்தொண்டு புரிந்து வந்த ஆலாலசுந்தரர் திருத்தொண்டத் தொகை வெளிப்படுதற்கேதுவாக, பூக்கொய்ய வந்த சேடியர் இருவர்பால் சிறிது மனத்தைச் செலுத்த, பெருமான் கட்டளைப்படி திருமுனைப்பாடி நாட்டில் திருநாவலூரில் ஆதிசைவ அந்தணர் குலத்தில் சடையனாருக்கும் இசைஞானியாருக்கும் மகவாகத் தோன்றி நம்பியாரூரர் என்னும் திருநாமம் பெற்று வளர்ந்தார். மணப்பருவம் அடைந்த அவருக்குப் புத்தூரில் சடங்கவி சிவாசாரியாருடைய மகளை மணம் புரிவிக்க ஏற்பாடு செய்தனர். மணப்பந்தரில் சிவபெருமான் தாம் முன்பு கயிலையில் அளித்த வாக்கின்படி கிழவேதியராக வந்து ஓலைகாட்டி, ஆரூரரைத் தமக்கு அடிமை என்று திருவெண்ணெய்நல்லூரில் வழக்கிட்டு ஆட்கொண்டு “நம்மைச் சொற்றமிழ் பாடுக” என்று கட்டளையிட்டருளினார். அதுபோழ்து வன்றொண்டர் முன்பு இறைவனைப் “பித்தன்” என்று பேசிய சொல்லையே முதலாகக்கொண்டு பாடும்படிஅருளிய இறைவன் அருளாணையின் வண்ணம், பாடியருளியது இத்திருப்பதிகம். (தி. 12 தடுத்தாட்கொண்ட புராணம். 70 – 74). குறிப்பு: இத்திருப்பதிகம், சிவபிரானை நோக்கி, “அடியேன் உனக்கு முன்பே ஆளாகி, இப்பொழுது நீ வந்து என்னை உனக்கு அடியான் என்று சொல்லியபொழுது, ‘அடியவன் அல்லேன்’ என எதிர்வழக்குப் பேசியது தகுமோ” என இரங்கி அருளிச்செய்தது.

Thiruvennainallur temple - two wives, chappals

Thiruvennainallur temple – two wives, chappals of Shiva

பரவையார், சங்கிலியார் என்று இருவரை மணந்தவர்: திருமணக்கோலத்தில் இறைவனால் ஆட்கொள்ளப்பெற்றவர் நம்பியாரூரர். சுந்தரமான அழகுடன் விளங்கியதால் ‘சுந்தரர்’ ஆனார். சுந்தரர் இறைவனிடம் தோழமை உறவு கொண்டார். இறைவனை நட்புரிமையில் புகழ்ந்தும் வலிந்து வேண்டியும் பல தேவாரங்கள் பாடினார். சிவத்தலங்கள் தோறும் சென்று இறைவன் பெருமைகளைப் பாடினார். மக்களுக்குத் தேவாரப் பாடல்களால் நல்வழி காட்டினார். திருவாரூரில் பரவையார் என்றொரு அழகிய பெண். பூவுலகில் பதியிலார் குலத்தில் பிறந்த இவரைச் சுந்தரர் கண்டார். கண்ட கணமே, இருவரும் ஒருவரை ஒருவர் விரும்பினர். காதல் கொண்டனர். இருவரும் மணந்து கூடி மகிழ்ந்தனர். சில காலத்திற்குப் பின் தல யாத்திரை சென்றார் சுந்தரர். அக்காலத்தில் திருவொற்றியூர் என்னும் ஊரில் சங்கிலியார் என்னும் அழகிய பெண்ணைக் கண்டார். கண்டதும் காதல் கொண்டார் சுந்தரர். அவளை மணக்க விரும்பினார். சுந்தரர் விருப்பம் நிறைவேறியது. எப்பொழுதும் கழுத்தில் மாலைகள் அசைய அழகுடன் விளங்கினார் சுந்தரர். இருந்தும்     மனத்தால்     இறை அடியார்களுக்கெல்லாம் அடியவனாகத் தன்னை எண்ணினார். சிவனடியார்களை வணங்கி மதித்தார். சிவனடியார் பெயர் ஒவ்வொன்றையும் சொல்லி “இவர்க்கு நான் அடியேன்” என்று பாடினார்.

Thiruvennainallur temple - Pitchandavar

Thiruvennainallur temple - Dhakshinamurthy

Thiruvennainallur temple - Polla Ganapathy

Thiruvennainallur temple - northern entrance

சுந்தரர் அதிசயங்களை நடத்தியது: சம்பந்தர், அப்பர் போலச் சுந்தரரும் பல அற்புதங்கள் நிகழ்த்தினார் என்பர். முதலை வாய்ப்பட்ட பிள்ளையை மீட்டுக் கொடுத்தது அவ்வகையான அற்புதங்களில் ஒன்று என்பர். “எற்றான் மறக்கேன்” எனத் தொடங்கித் தேவாரப் பதிகத்தைச் சுந்தரர் பாட, விழுங்கிய பிள்ளையை முதலை உயிருடன் வெளியே கக்கியதாகச் சொல்லப்படுகிறது. ஒரு நாள் சுந்தரருக்குத் தாம் இம் மண்ணுலகில் வாழ்ந்த காலம் போதும் என்ற உணர்வு ஏற்பட்டது. சிவனை நினைந்தார். “தலைக்குத் தலை மாலை” என்ற தேவாரப் பதிகம் பாடினார். சுந்தரர் தமது முதல் பதிகத்தை இந்தளப் பண்ணில் பாடினார் அல்லவா? அதே இந்தளப் பண்ணில் கடைசிப் பதிகத்தையும் பாடினார். அவர் மண்ணுலகில் வாழ்ந்த காலத்தில் பாடிய கடைசிப் பதிகம் இதுவே.

Thiruvennainallur temple - debate hall

Thiruvennainallur temple - debate hall.board

Thiruvennainallur temple - debate hall.top

Thiruvennainallur temple - debate hall.inside

Thiruvennainallur temple - debate hall.inside.closer view

Thiruvennainallur temple - debate hall.inside.corner view

Thiruvennainallur temple - debate hall.outside view

யானை ஏறி கயிலாயத்திற்குச் சென்றது: சுந்தரரைத் திருக்கயிலைக்கு ஏற்றிச் செல்ல வெள்ளை யானையை இறைவன் அனுப்பி வைத்தார். வெள்ளை யானை மேல் ஏறிய சுந்தரர் திருக்கயிலாயம் சென்றார். தாம் யானை மேல் ஏறிச்சென்ற செய்தியைச் சுந்தரர் திருநொடித்தான் மலைப் (கயிலாயம்) பதிகத்தில் கூறுகின்றார். இப்பதிகம் பஞ்சமம் என்னும் பண்ணில் அமைந்துள்ளது. திருக்கயிலையில் சிவபெருமானும் உமை அம்மையாரும் சுந்தரரை வரவேற்றனர். சுந்தரரும் சிவானந்த வெள்ளத்துள் அழுந்தி முத்தி பெற்றார். சுந்தரர் பாடிய தேவாரப் பதிகங்களின் தொகை 38,000 எனப்படுகிறது. இவையெல்லாம் பண்ணோடும் தாளத்தோடும் அமைந்தவை. தேவார மூவருள் இவர் இறைவனிடம் தோழமை உறவு பூண்டு வாழ்ந்தவர். எனவே ‘தம்பிரான் தோழன்’ என்றும் அழைக்கப்படுவார்[3].

Thiruvennainallur temple - sundarar sketch

Thiruvennainallur temple - miracle performed

சுந்தரமூர்த்தி சுவாமிகள் காலம்: கி. பி. ஏழாம் நூற்றாண்டின் பிற்பகுதியும், எட்டாம் நூற்றாண்டின் தொடக்கமுமாகிய காலப்பகுதியே யாகும்[4]. ஆராய்ச்சியாளர் சேதுராமன்[5], “காஞ்சிபுரத்தில் முதன் முதல் கச்சிக் கற்றளி எடுப்பித்தவன் இராஜசிம்மனே. அவனுக்கு அசரீரியாக இறைவன் உணர்த்தியதாகக் கல்வெட்டும் கூறுகிறது. இவை பூசலார் நாயனார் புராணத்துடன் ஒத்து இருப்பதும் கணிக்கத்தக்கது (S.I.I. XII Introduction page III – ‘This is evidently an allusion to Periyapuranam wherein it is stated that the Pallava king was directed to postpone the consecration of this temple so that the Lord might be present elsewhere at a similar ceremony conducted in the mental plane by Saint Pusalar). தொகுத்து நோக்கினால், சுந்தரரும் காஞ்சி கைலாசநாதர் கோயில் கட்டிய இராஜசிம்ம பல்லவனாகிய கழற்சிங்கனும், பூசலார் நாயனாரும் சமகாலத்தவர் என்பதை எளிதில் உணரலாம். எனவே சுந்தரர் காலத்தை கி.பி. 700 முதல் 728 வரை எனக் கொள்ளலாம்,” என்று எடுத்துக் காட்டியுள்ளார்.

© வேதபிரகாஷ்

16-05-2019

Thiruvennainallur temple - Vaikasi month program

[1] தமிழ்.ஒன்.இந்தியா, கோவிலுக்குள் காவலாளி வெட்டிக் கொலை!, By Staff | Published: Sunday, March 27, 2005, 5:30 [IST].

[2] https://tamil.oneindia.com/news/2005/03/27/murder.html

[3] http://www.tamilvu.org/ta/courses-diploma-d061-new-d0613-html-d0613224-46181

[4] https://sivatemple.wordpress.com/2017/04/28/tirunavalur-birth-place-of-sundarar-mantap-constructed-in-his-memory/

[5] குடந்தை என். சேதுராமன், நால்வர் காலம், இராமன் மற்றும் இராமன் வணிகக் குழுமம்.

Posted in கிருபாபுரீஸ்வரர், சிவன் கோவில், சுந்தர மூர்த்தி நாயனார், சுந்தரமூர்த்தி, சுந்தரர், திருக்கோவிலூர், விழுப்புரம் | Tagged , , , , , , , , , , , | பின்னூட்டமொன்றை இடுக